កម្មវិធី Zoom បានដាក់អោយប្រើប្រាស់នៅលើបណ្តាញ internet ដោយឥតគិតលុយ

ការផ្ទុះខ្លាំងនូវវីរុសកូរ៉ូណាធ្វើអោយពិភពលោកមានការព្រួយបារម្ភយ៉ាងខ្លាំង ហេតុនេះហើយទើបក្រុមហ៊ុនបច្ចេកវិទ្យាធំៗជាច្រើន ជាពិសេសនៅសហរដ្ឋអាមេរិកបានអនុញ្ញាតឲ្យបុគ្គលិករបស់ខ្លួនធ្វើការនៅផ្ទះ។

មិនា 6, 2020 03:02 3519

កម្មវិធី Zoom

ទន្ទឹមនឹងនោះកម្មវិធី Zoom ក៏កំពុងតែមានប្រជាប្រិយភាពផងដែរ ដែលអាចទាក់ទាញចំនួនអ្នកប្រើប្រាស់ជាច្រើននៅលើពិភពលោក។ វាជាកម្មវិធីដែលអាចធ្វើការប្រជុំតាម online ហើយអាចប្រើប្រាស់បានដោយឥតគិតថ្លៃ ចំណេញពេលវេលា និង ថវិការថែមទៀតផង។

កម្មវិធី Zoom បានផ្ដល់ជូននូវការប្រជុំដែលមានមនុស្សចូលរួមបានដល់ ១០០ នាក់ដោយឥតគិតថ្លៃ ហើយចំពោះកញ្ចប់ដែលគិតកម្រៃប្រចាំខែវិញគឺអាចចូលរួមបានរហូតដល់ ១ ០០០ នាក់វាអាស្រ័យលើកញ្ចប់នីមួយៗតែប៉ុណ្ណោះ។អ្វីដែលពិសេសនោះ គឺអ្នកដទៃទៀតអាចចូលនៅក្នុងអង្គប្រជុំតាមកម្មវិធី Zoom បានដោយមិនចាំបាច់បង្កើតគណនីនោះឡើយដោយគ្រាន់តែមានមេអង្គប្រជុំមួយបង្កើតនូវកិច្ចប្រជុំរួចផ្ញើ Link ទៅដល់អ្នកដែលត្រូវចូលរួមប្រជុំជាការស្រេច។

សូមបញ្ជាក់ថាអំឡុងពេលនៃការផ្ទុះវីរុសកូរ៉ូណានេះដែរ Zoom បានដកចេញនូវការកំណត់រយៈពេល ៤០ នាទី សម្រាប់វីដេអូកិច្ចប្រជុំ ដែលមានក្នុងកញ្ចប់ដោយឥតគិតលុយ។បន្ថែមពីនេះអ្នកអាចទាញយកកម្មវិធី Zoom បានទាំងនៅក្នុង App store zoom និង Play store zoom។