[មានវីដេអូខាងក្រោម] សាយ ផ្ដើមយុទ្ធនាការរ៉ៃអង្គាសថវិការជូនរាជរដ្ឋាភិបាល ដើម្បីទិញវ៉ាក់សាំងប្រឆាំងជំងឺកូវីដ-១៩

(ភ្នំពេញ)៖ សាយ ដែលជាអ្នកផ្ដើមគំនិតរត់ ដើម្បីរ៉ៃអង្គាសថវិកាជូនមន្ទីរពេទ្យកុមារអង្គរ នៅខេត្តសៀមរាប នាពេលកន្លងទៅ។

ធ្នូ 14, 2020 12:45 532

[មានវីដេអូខាងក្រោម] សាយ ផ្ដើមយុទ្ធនាការរ៉ៃអង្គាសថវិការជូនរាជរដ្ឋាភិបាល ដើម្បីទិញវ៉ាក់សាំងប្រឆាំងជំងឺកូវីដ-១៩

នៅពេលនេះបានផ្ដួចផ្ដើមគំនិតលេងហ្គេម រ៉ៃអង្គាសថវិកាថ្មីមួយទៀតហើយ ដើម្បីផ្ដល់ជូនរាជរដ្ឋាភិបាល សម្រាប់ទិញវ៉ាក់សាំងប្រឆាំងជំងឺកូវីដ-១៩ ចាក់ជូនប្រជាពលរដ្ឋដោយគិតថ្លៃ។ ការផ្ដើមគំនិតលេងហ្គេមនៅលើបណ្ដាញសង្គម Facebook លើកនេះក៏មិនខុសពីសកម្មភាពលើកមុននោះដែរ ពោលបង្ហាញពីការចូលរួមសាមគ្គី របស់ប្រជាពលរដ្ឋខ្មែរ នៅគ្រាដែលប្រទេស និងប្រជាជាតិខ្លួនកំពុងតែជួបនូវការប្រឈមជាមួយនឹងជំងឺកូវីដ-១៩។

ការប្រកាសលេងហ្គេមជាថ្មីរបស់ «សាយ» ក្រោយរាជរដ្ឋាភិបាល ប្រកាសត្រៀមកញ្ចប់ថវិកាទិញវ៉ាក់ប្រឆាំងជំងឺនេះផងដែរ។ តាមរយៈ Facebook ផ្លូវការ សាយ បានបញ្ជាក់យ៉ាងដូច្នេះថា «តោះលេងហ្គេម២ដុល្លារ ដើម្បីវ៉ាក់សាំងកូវីដ១៩ មួយលានដូសសម្រាប់កម្ពុជា #twodollarforcovid19vaccine #onemilliondoseforcambodia ក្នុងកម្មវិធីរត់ដើម្បីសប្បុរសធម៌ជាមួយសាយ #RUNWITHSAI។ គួរជម្រាបថា នេះមិនមែនជាសកម្មភាពថ្មីនោះទេរបស់ «សាយ» ដែលមានគំនិតក្នុងការផ្ដួចផ្ដើមលេងហ្គេមដើម្បីជួយដល់សង្គមជាតិ។ កន្លងទៅកម្មវិធី «រត់ដើម្បីសប្បុរសធម៌ជាមួយសាយ» ក៏ត្រូវបានបង្កើតឡើងផងដែរ ដើម្បីរត់ជុំវិញប្រទេស និងរៃអង្គាសមូលនិធិសម្រាប់ជួយដល់កុមារនៅមន្ទីរពេទ្យកុមារអង្គរ ខេត្តសៀមរាបផងដែរ៕