Apple ប្រាប់ថាពីវិធីសាស្ត្រសម្អាតសំអាតទូរស័ព្ទ iphone ដោយប្រើក្រដាសសើមមានជាតិអាល់កុល

ក្រុមហ៊ុន Apple បានធ្វើការអាប់ដេតវិបសាយរបស់ខ្លួន ដើម្បីឲ្យអ្នកប្រើប្រាស់បានដឹងពីវិធីសាស្ត្រ សំអាត iPhone iPad និង Mac អោយបានដឹងថា ពួកគេអាចសម្អាតឧបករណ៍របស់ខ្លួនជាមួយក្រដាសសើមមានជាតិអាល់កុលបាន ដោយមិនបាច់ព្រួយបារម្ភថាខូចនោះទេ។

មិនា 16, 2020 04:07 1703

Apple ប្រាប់ថាពីវិធីសាស្ត្រសម្អាតសំអាតទូរស័ព្ទ iphone ដោយប្រើក្រដាសសើមមានជាតិអាល់កុល

Apple ប្រាប់ថាពីវិធីសាស្រ្តសម្អាតសំអាតទូរស័ព្ទ iphone

បន្ថែមពីនេះអ្នកអាចប្រើប្រាស់ក្រដាសសើមមានជាតិអាល់កុល ឬ ផលិតផលម៉ាក Clorox Disinfecting Wipes ជូតសម្អាតថ្នមៗលើផ្នែករឹង(Harware) នៃផលិតផល Apple មានដូចជា អេក្រង់ ក្ដារចុច និងផ្ទៃខាងក្រៅ ផ្សេងៗដទៃទៀត។ កុំប្រើទឹកសាប៊ូដែលវាមានជាតិគីមីខ្លាំង។ កុំជ្រលក់ផលិតផល Apple ចូលក្នុងទឹកលាងសម្អាតនានា។ កុំជូតសម្អាតលើផ្ទៃកំណាត់ ឬ ស្បែក។

កន្លងមក Apple បានណែនាំមិនឲ្យប្រើប្រាស់សារធាតុផ្សេងៗក្រៅពីទឹក ដើម្បីសម្អាតផលិតផល Apple ព្រោះមានសារធាតុខ្លះអាចប៉ះពាល់ដល់ស្រទាប់ Oleophobic ដែលក្រុមហ៊ុនបានបំពាក់លើអេក្រង់នៃឧបករណ៍ខ្លួន។

គួរបញ្ជាក់ថា Apple បានអាប់ដេតវិបសាយរបស់ខ្លួនទាក់ទងនឹងការសម្អាតឧបករណ៍ ក្រោយពីមានផ្ទុះ COVID-19បានរាតត្បាតពាសពេញពិភពលោក ហើយការសម្អាតឧបករណ៍ប្រើប្រាស់ផ្ទាល់ខ្លួនឲ្យបានញឹកញាប់ក៍ជាផ្នែកមួយជួយកាត់បន្ថយឱកាសនៃការឆ្លងវីរុសនេះបានផងដែរ៕