[វីដេអូ] Ep. 40 # ជំងឺប្រកាច់លើកុមារ

ជម្ងឺប្រកាច់កើតឡើងនៅពេលអ្នកជម្ងឺក្តៅខ្លួនខ្លាំង ភាគច្រើនកើតលើកុមារចន្លោះអាយុពី ៦ខែ ដល់ ៦ឆ្នាំ។ម្យ៉ាងវិញទៀតជម្ងឺនេះកើតឡើងនៅពេលអ្នកជម្ងឺកង្វះជាតិរ៉ែ កាល់ស្យ៉ូម និងខ្វះជាតិស្ករ។ ចំពោះករណីធ្ងន់ធ្ងរមួយទៀតគឺកុមារដែលមិនទទួលបានការចាក់វ៉ាសាំង នៅពេលកើតរហូតដល់អាយុ ៩ខែ។

មិថុនា 18, 2021 04:13 2044

 
Share
[វីដេអូ] Ep. 40 # ជំងឺប្រកាច់លើកុមារ

ករណីកុមារប្រកាច់នៅពេលដែលមានកម្តៅខ្លួនខ្លាំងនៅចន្លោះ ៣៨.៥ អង្សារសេឡើង កុមារចាប់ផ្តើមប្រទាញមុខ ប្រទាញមាត់ ភ្នែកស្លើល ហៀរទឹកមាត់ ញាក់មុខញាក់មាត់ ទាញដៃទាញជើង កន្តាក់ទាញដៃទាញជើងជាដើម។

+វិធីសាស្រ្តក្នុងការថែទាំ

នៅពេលដែលជួបប្រទះបញ្ហានេះឪពុកម្តាយត្រូវប្រញាប់យកកូនទៅទទួលសេវាព្យាបាលនៅមន្ទីរពេទ្យ ឬក្លិនិចឯកជនដែលនៅជិតផ្ទះ។

១ កត្តាចំបងនោះគឺត្រូវរក្សាអនាម័យឲ្យបានខ្ជាប់ខ្ជួន ដូចជា ការរស់នៅស្អាត ផឹកស្អាត និង ហូបស្អាត។

២ ត្រូវឲ្យកូនញុំាអាហារដែលមានជីវជាតិ។

៣ ​កុំឲ្យកូនលេងច្រើនពេក។

៤ ឲ្យកូនសំរាកឲ្យបានគ្រប់គ្រាន់។ត្រូវឧស្សាហ៍នៅជិតកូន។

ចំពោះវិធីក្នុងការព្យាបាលបែងចែកជាពីរ គឺអ្នកជម្ងឺនៅក្នុងមន្ទីរពេទ្យ និងក្រៅមន្ទីរពេទ្យ ។

+អ្នកជម្ងឺនៅក្រៅមន្ទីរពេទ្យ មានដូចជា អ្នកជម្ងឺនៅទីសាធារណ: ឬនៅផ្ទះ ប្រសិនមានរោគសញ្ញាដូចខាងលើ ត្រូវយកកន្សែកសើមជូតខ្លួនក្មេង និង​ យករបស់ផ្សេងៗដែលនៅជិតអ្នកជម្ងឺចេញ។

+អ្នកជម្ងឺនៅក្នុងមន្ទីរពេទ្យ គ្រូពេទ្យចេះផ្នែកសង្រ្គោះបឋម ឬសង្រ្គោះផ្នែកខ្ពស់ដោយដាក់អុកស៊ីសែនទៅលើអ្នកជម្ងឺ ឬបាញ់ថ្នាំប្រកាច់ទៅលើអ្នកជម្ងឺ។

សារមានសារ:ប្រយោជន៍

-ត្រូវប្រើថ្នាំបញ្ចុះកម្តៅឲ្យទាន់ពេលវេលា

-ប្រញាប់នាំកូនមកកានមន្ទីរពេទ្យឲ្យទាន់ពេលវេលា

-ត្រូវយកសំភារ:ដែលនៅក្បែរអ្នកជម្ងឺប្រកាច់ចេញ

សូមទស្សនាវីដេអូដូចខាងក្រោម៖