សូមសរសើរកូនខ្មែរផលិតម៉ាស៊ីនសម្លាប់មេរោគ Covid-19 បានជោគជ័យ

ស្របពេលដែលវីរុសកូរ៉ូណា ឬ Covid-19 បានកំពុងរីករាលដាលពាសពេញពីភពលោក ហើយវាក៏ក្លាយជាក្ដីបារម្ភយ៉ាងខ្លាំងពីបណ្ដាប្រទេសនានាទូទាំងសាកលលោក រួមទាំងកម្ពុជាដែរនោះ ពេលនេះស្រាប់តែមានកូនខ្មែរមួយរូបបានឱ្យដឹងថា ខ្លួនអាចផលិតបានម៉ាស៊ីនសម្លាប់មេរោគ Covid-19 នេះបានយ៉ាងជោគជ័យ។

មិនា 27, 2020 11:06 1885

សូមសរសើរកូនខ្មែរផលិតម៉ាស៊ីនសម្លាប់មេរោគ Covid-19 បានជោគជ័យ

Sara Vuth

បើយោងតាមការឱ្យដឹងពីម្ចាស់គណនីហ្វេសប៊ុកមួយមានឈ្មោះថា Sara Vuth បានផុសនៅយប់ថ្ងៃទី២៦ ខែមីនា ២០២០ ឱ្យសាធារណជនបានដឹងថា ពេលនេះលោកបានផលិតម៉ាស៊ីនសម្លាប់មេរោគ Covid-19 បានសម្រេចជោគជ័យហើយ។

ម្ចាស់គណនីដដែលនេះបានបន្ថែមថា ម៉ាស៊ីនដែលខ្លួនទើបតែផលិតបាននេះ វាមានសមត្ថភាពខ្ពស់ដែលអាចសម្លាប់មេរោគ Covid-19 បាន ១០០% តែម្ដង ហើយឥឡូវម៉ាស៊ីននេះក៏កំពុងតែត្រូវបានបំពាក់ជូនឱ្យប្រើប្រាស់នៅតាមស្ថាប័នមួយចំនួនផងដែរ។

ទន្ទឹមនឹងនេះ ឃើញថាមានមហាជនជាច្រើនបានបង្ហាញការភ្ញាក់ផ្អើលជាខ្លាំង ហើយក៏មានការកោតសរសើរបន្ទាប់ពីបានឃើញព័ត៌មានខាងលើចំពោះសមត្ថភាពដ៏ពូកែរបស់កូនខ្មែរខាងលើ ដែលមានគំនិតច្នៃប្រឌិតខ្ពស់អាចបង្កើតម៉ាស៊ីនសម្លាប់មេរោគប្រភេទថ្មីនេះ៕

ដោយ៖ជា បញ្ញា