[វីដេអូ] Ep.38 ប្រធានបទ៖​ ជំងឺថប់អារម្មណ៌

រោគសញ្ញា

• អ្នកគួររៀនសង្កេតមើលការនិយាយស្តី កាយវិការ និងការខុសប្លែកមួយចំនួន។
• ក៏មានដែរចំពោះមនុស្សភាគច្រើន នៅពេលខ្លះចូលចិត្តយករឿងអ្នកដទៃយកមកគិត ខ្វល់រឿងគេ បារម្ភច្រើននូវហេតុការណ៍ដែលមិនទាន់កើតឡើង ដែលជាហេតុធ្វើឲ្យអ្នកមានសម្ពាធ ព្រួយបារម្ភ ភ័យខ្លាចនៅពេលដែលធ្វើការមិនទទួលបានជោគជ័យ ឬគិតអ្វីខុសពីការរំពឹងទុក។
• 

ការព្យាបាល

ជាទូទៅការព្យាបាលមានពីរប្រភេទគឺដោយប្រើថ្នាំ និងមិនប្រើថ្នាំ។

ការដែលមិនប្រើថ្នាំគឺជារឿងមួយដ៏ល្អបំផុតសំរាប់សុខភាពដូចនេះអ្នកអាចអនុវត្តនៅវិធីសាស្រ្តមួយចំនួនមានដូចជា

• ហាត់ប្រាណឲ្យបានច្រើន
• ការតាំងសមាធិឲ្យចិត្តស្ងប់
• និយាយជាមួយនិងអ្នកជំងឺ ព្យាយាមបង្កើនការជជែកបែបសប្បាយៗ។
• 

សូមជម្រាបថា ចំពោះជំងឺនេះកើតឡើងភាគច្រើនទៅលើស្រ្តីមានភាគរយច្រើនជាងបុរសដោយបង្កឲ្យមានរោគសញ្ញាដូចជា៖

• ញ័រទ្រូង
• អស់កម្លាំងល្ហិតល្ហៃក្នុងខ្លួន
•  ខ្សោយ ខ្វះវីតាមីន
• គេងមិនលក់ គិតច្រើន ខ្វល់ច្រើន
• ឆាប់ភ័យ
• 

របៀបក្នុងការបង្ការ

ជំងឺថប់អារម្មណ៍យើងអាចបង្ការបានមានដូចជា៖

• ការចេះដោះស្រាយបញ្ហាតាមជំហានៗ
• ចេះកែប្រែបញ្ហាពីបញ្ហាធំមកតូចវិញ
• គេចបញ្ហា (បញ្ហាខ្លះវាមិនមែនជាបញ្ហារបស់យើងនោះទេដូចនេះគួរតែគេចអំពីបញ្ហាទាំងអស់និងដូចជារឿងនៅអតីតកាល ឬ បច្ចុប្បន្នកាល)
• ទទួលយកបញ្ហា (បើយើងយល់ពីការពិតយើងគួរតែទទួលស្គាល់ការពិត)
• ហ៊ានប្រឈមមុខនឹងការពិត
• ពិភាក្សាជាមួយមនុស្សដែលអាចទុកចិត្តបាន
• 

របបអាហារនិងការទទួលទានអាហារដែលត្រឹមត្រូវ

មិនគួរទទួលទានអាហារណា មានជាតិអាល់កុល (ស្រា)​ ជក់បារី និងជាតិកាហ្វេ​ជាដើម។

     ចំពោះអ្នកដែលមានបញ្ហាថប់អារម្មណ៍កំរិតស្រាលហើយប្រសិនជាអ្នកញុំារបស់ទាំងអស់នេះបន្ថែមទៀតនោះគឺវាជំរុញបន្ថែមនៃប្រឈមជាមួយការកើតឡើងនៃជំងឺថប់អារម្មណ៍នេះកាន់តែខ្លាំងឡើងៗ។ ផ្ទុយទៅវិញអ្នកគួរទទួលទានអាហារណាដែលសំបូរសារធាតុចិញ្ចឹមមានដូចជា បន្លែ ផ្លែឈើ ត្រីសាច់ និងគ្រាប់ធញ្ញជាតិជាដើម។

 ជំនួសឲ្យការទទួលទានបែបនេះ អ្នកគួរងាកមកធ្វើលំហាត់ Yoga គឺជួយទាំងកាយ ជួយទាំងចិត្ត និងស្តាប់ចំរៀង។

សារដ៏មានសារ:ប្រយោជន៍

ចំពោះជំងឺគឺអាចកើតទៅលើមនុស្សគ្រប់វ័យអាស្រ័យទៅលើការកើតខ្លាំង ឬ ក៏ស្រាល ហើយស្ថិតនៅស្ថានភាពបែបណា ដូចនេះ អ្កគួរតែស្វែងយល់អំពីចរិតលក្ខណ:ដែលអាចសំគាល់បានថាអ្នកមានជំងឺនេះ ដូចការរៀបរាប់ខាងលើ។ផ្ទុយទៅវិញសូមកុំនៅស្ងៀមស្ងាត់ម្នាក់ឯងច្រើនពេក ព្យាយាមពិភាក្សាជាមួយមនុស្សដែលអាចទុកចិត្តបាន និងស្វែងរកគ្រូពេទ្យឬអ្នកជំនាញដែលអាចជួយដោះស្រាយបញ្ហារបស់អ្នកបាន៕

សូមទស្សនាវីដេអូខាងក្រោម: