Samsung Galaxy Tab S6 Lite លេចឡើងនៅក្នុងបញ្ជីឈ្មោះចក្រភពអង់គ្លេសពេញលេញ ជាមួយនឹងព័ត៌មានអំពីតម្លៃ និងគ្រឿងបន្លាស់

ថ្វីបើ Samsung Galaxy Tab S6 Lite មិនទាន់បានបង្ហាញខ្លួនលើកដំបូងនៅអឺរ៉ុបនៅឡើយទេ ប៉ុន្តែការចុះបញ្ជីថ្មីនៅលើគេហទំព័ររបស់ក្រុមហ៊ុនលក់រាយអង់គ្លេស Argos ថាវានឹងមកដល់ក្នុងពេលឆាប់ៗនេះ។

មេសា 14, 2020 04:00 2064

Samsung Galaxy Tab S6 Lite

យើងក៏ទទួលបាននូវរូបភាពផលិតផលថ្មីៗជាច្រើនដែលបង្ហាញពីគម្របសៀវភៅ និងភ្ជាប់ជាមួយប៊ិច S Pen Stylus ផងដែរ។ យើងឃើញថា លក្ខណៈរបស់វា មានរូបរាងស្រដៀងគ្នាច្រើនទៅនឹង Galaxy Tab S5e ។

លើសពីនេះទៅទៀត ថេប្លេតនេះមានពីរពណ៌រដែលរួមមាន ពណ៌ប្រផេះ (Oxford Gray) និង ពណ៌អាហ្គូរ៉ាខៀវ (Agora Blue) ដែលភ្ជាប់ជាមួយប៊ិច S Pen ក៏នឹងមានពណ៌ត្រូវនឹងថេប្លេតនេះដែរ ។

ថេប្លេត S6 Lite នេះត្រូវបានបញ្ជាក់ថាបំពាក់ជាមួយអេក្រង់ LED ទំហំ ១០,៤ អ៊ីញជាមួយនឹងកម្រិតរូបភាពច្បាស់ FHD+ ផងដែរ។ ផ្នែកខាងមុខរបស់កាមេរ៉ាត្រូវបានគ្របដណ្តប់ដោយកាមេរ៉ា Selfie ដែលមានទំហំ 5MP ខណៈដែលផ្នែកខាងក្រោយវិញមានកាមេរ៉ាទំហំ 8MP តែមួយ។

វាភ្ជាប់មកជាមួយនឹងបន្ទះឈីប Exynos ៩៦១១ ដែលមានរ៉េមទំហំ ៤GB ។ ចំណែកឯថ្មវិញត្រូវបានគេវាយតម្លៃថា អាចសាកបាន ៧,០៤០ mAh ។ ការចុះបញ្ជីថ្មីនេះក៏បញ្ជាក់ផងដែរថា នឹងទទួលបានកាស Jack មួយ។បើនិយាយពីវិមាត្ររបស់ថេប្លេតនេះវិញវាមានទំហំ ២៤៤.៥ x ១៥៤.៣ x ៧ mm ហើយវាមានទម្ងន់ ៤៦៧ ក្រាម។ ចំពោះតម្លៃត្រូវបានរាយការណ៍ថាវាលក់ក្នុងតម្លៃ £៣៣៩ (៣៧១ $) សំរាប់អង្គផ្ទុក ៦៤GB តែប៉ុណ្ណោះ ប៉ុន្តែយើងរំពឹងថានឹងមានម៉ូឌែល ដែលមានអង្គផ្ទុក ១២៨ GB ផងដែរ៕