[វីដេអូ] # Ep.67 អត្ថប្រយោជន៍ ៦យ៉ាងនៃការទទួលទានគ្រាប់ធញ្ញជាតិ

ដូចនេះយើងសូមចែករំលែកនូវអត្ថប្រយោជន៍ជាច្រើនរបស់គ្រាប់ធញ្ញជាតិមានដូចជា

១ សម្បូរសារធាតុចិញ្ចឹម និងជាតិសរសៃ

គ្រាប់ធញ្ញជាតិផ្តល់នូវសមាសធាតុរុក្ខជាតិជាច្រើនប្រភេទដែលដើរតួរនាទីយ៉ាងសំខាន់ផ្តល់នូវសារធាតុចិញ្ចឹមសំខាន់ៗជាច្រើនរួមមាន ជាតិសរសៃ វីតាមីន សារធាតុរ៉ែ​ ប្រូតេអ៊ីន សារធាតុប្រឆាំងអុកស៊ីតកម្ម​។

២ កាត់បន្ថយហានិភ័យនៃជំងឺបេះដូង

អត្ថប្រយោជន៍សុខភាពរបស់គ្រាប់ធញ្ញជាតិ គឺជួយកាត់បន្ថយហានិភ័យនៃជំងឺបេះដូង ដែលជាមូលហេតុចម្បងនៃការស្លាប់ទូទាំងពិភពលោក។ការសិក្សាបានរកឃើញថាការទទួលទានគ្រាប់ធញ្ញជាតិចំនួន 28 ក្រាមជារៀងរាល់ថ្ងៃអាចកាត់បន្ថយហានិភ័យនៃជំងឺបេះដូងបាន 22%។

៣ កាត់បន្ថយហានិភ័យនៃជំងឺដាច់សរសៃឈាមខួរក្បាល

គ្រាប់ធញ្ញជាតិជាផ្នែកមួយនៃរបបអាហារដែលផ្តល់សុខភាពបេះដូង ដែលជួយកាត់បន្ថយហានិភ័យនៃជំងឺដាច់សរសៃឈាមខួរក្បាល។នៅក្នុងការវិភាគលើការសិក្សាចំនួន 6 ទៅលើមនុស្សជិត 250,000 នាក់ ចំពោះអ្នកដែលញ៉ាំគ្រាប់ធញ្ញជាតិច្រើនបំផុតមានហានិភ័យនៃជំងឺដាច់សរសៃឈាមខួរក្បាល 14% ទាបជាងអ្នកដែលញ៉ាំតិចបំផុត។

៤ កាត់បន្ថយការធាត់

គ្រាប់ធញ្ញជាតិសម្បូរជាតិសរសៃអាចជួយបំពេញ និងការពារការញ៉ាំច្រើនពេក។បន្ថែមពីនេះក៏មានការស្រាវជ្រាវជាច្រើនបានបង្ហាញថា គ្រាប់ធញ្ញជាតិជួយក្នុងការគ្រប់គ្រងនិងកាត់បន្ថយការឡើងទំងន់។

៥ កាត់បន្ថយហានិភ័យនៃជំងឺទឹកនោមផ្អែមប្រភេទទី 2

ជាតិសរសៃ និងម៉ាញេស្យូមគឺជាសារធាតុចិញ្ចឹមដ៏សំខាន់ដែលបានមករបស់គ្រាប់​ធញ្ញជាតិ។ចំពោះការទទួលទានគ្រាប់ធញ្ញជាតិយ៉ាងតិច 2 ដងជារៀងរាល់ថ្ងៃ ​​អាចជួយកាត់​បន្ថយ​ហានិភ័យ​នៃ​ជំងឺ​ទឹកនោមផ្អែម​ប្រភេទ​ទី​២។លើសពីនេះទៅទៀត ការសិក្សាបានរកឃើញថា គ្រាប់ធញ្ញជាតិជួយកាត់បន្ថយកម្រិតជាតិស្ករក្នុងឈាម និងធ្វើអោយប្រសើរឡើងនូវការប្រែប្រួលអាំងស៊ុយលីន។

៦ ជួយដល់ការរំលាយអាហារ

ជាតិសរសៃនៅក្នុងគ្រាប់ធញ្ញជាតិជួយដល់ការរំលាយអាហារតាមវិធីផ្សេងៗ។ ជាតិសរសៃជួយកាត់ បន្ថយការទល់លាមក។ លើសពីនេះគ្រាប់ធញ្ញជាតិជួយចិញ្ចឹមបាក់តេរីល្អៗក្នុងពោះវៀនដែលមានប្រយោជន៍សំរាប់ប្រព័ន្ធរំលាយអាហារផងដែរ៕

​

សូមចុច join Telegram https://t.me/cngtvcambodia

ប្រភព៖ healthline