[វីដេអូ] # Ep.39 តើការទទួលទានជាតិកាហ្វេអ៊ីនល្អ ឬអាក្រក់សំរាប់សុខភាព?

អ្នកដឹងទេ ជាតិកាហ្វេអ៊ីនគឺជាភ្នាក់ងាររំញោចធម្មជាតិដែលរកឃើញមាននៅក្នុង តែ កាហ្វេ រុក្ខជាតិ cacao សូកូឡា និងភេសជ្ជៈប៉ូវកម្លាំង។

ដំណើរការរបស់ជាតិកាហ្វេអ៊ីនគឺរំញោចទៅកាន់ខួរក្បាលនិងប្រព័ន្ធសរសៃប្រសាទកណ្តាល ដែលជួយបំបាត់ភាពអស់កម្លាំង ជួយទៅដល់ការក្រោបពីគេង និងជួយបំបាត់ភាពតានតឹង នឿយហត់ជាដើម។

ដូចនេះយើងសូមណែនាំអំពីអត្ថប្រយោជន៍បន្ថែមទៀតរបស់ជាតិកាហ្វេអ៊ីនមានដូចជា:

១ អាចធ្វើឲ្យអារម្មណ៍និងមុខងារខួរក្បាលប្រសើរឡើង

ជាតិកាហ្វេអ៊ីនអាចធ្វើឱ្យប្រសើរឡើងនូវអារម្មណ៍ ជួយកាត់បន្ថយលទ្ធភាពនៃការធ្លាក់ទឹកចិត្ត រំញោចមុខងារខួរក្បាលនិងការពារប្រឆាំងនឹងជំងឺវង្វេងស្មារតី។

លើសពីនេះទៀតការសិក្សាមួយបានផ្សារភ្ជាប់ជាមួយការផឹកកាហ្វេដែលមានជាតិកាហ្វេអ៊ីន ២-៣ ពែង អំឡុងពេល ៨ម៉ោងម្តង (ផ្តល់ជាតិកាហ្វេអ៊ីនប្រហែល ២០០-៣០០ មីលីក្រាមក្នុងមួយថ្ងៃ) ជួយកាត់បន្ថយហានិភ័យនៃការធ្វើអត្តឃាតបានទៅ៤៥% និង ១៣%នៃជំងឺធ្លាក់ទឹកចិត្ត។

២ អាចជំរុញការរំលាយអាហារនិងដុតជាតិខ្លាញ់

ជាតិកាហ្វេអ៊ីនមានសមត្ថភាពក្នុងការរំញោចប្រព័ន្ធសរសៃប្រសាទកណ្តាល ដែលធ្វើឲ្យជាតិកាហ្វេអ៊ីនអាចបង្កើនការរំលាយអាហារបានរហូតដល់ ១១%និងការដុតបំផ្លាញជាតិខ្លាញ់រហូតដល់ ១៣%។

៣ ល្អមុនពេលហាត់ប្រាណ

ការទទួលទានជាតិកាហ្វេអ៊ីនក្នុងបរិមាណតិចតួចប្រហែលមួយម៉ោងមុនពេលហាត់ប្រាណអាចធ្វើឱ្យអារម្មណ៍ប្រសើរឡើងនូវការធ្វើលំហាត់ប្រាណ។

ជាតិកាហ្វេអ៊ីនក៏អាចធ្វើអោយប្រសើរឡើងនូវការកន្ត្រាក់សាច់ដុំ និងជួយរក្សាជាតិគ្លុយកូសដែលផ្ទុកនៅក្នុងសាច់ដុំរយៈពេលយូរដែលធ្វើឲ្យអ្នកអស់កម្លាំង។

៤ អាចការពារប្រឆាំងនឹងជំងឺបេះដូងនិងជំងឺទឹកនោមផ្អែម

ភេសជ្ជៈដែលមានជាតិកាហ្វេអ៊ីនដូចជាកាហ្វេនិងតែអាចកាត់បន្ថយហានិភ័យនៃជំងឺបេះដូងនិងជំងឺទឹកនោមផ្អែមប្រភេទទី ២បានដល់ទៅ ២៩%ផងដែរ។

ជាការពិតណាស់ ការផឹកជាតិកាហ្វេអ៊ីនអាចជួយឲ្យថយចុះហានិភ័យនៃជំងឺបេះដូង ១៦ទៅ១៨% ចំពោះបុរសនិងស្ត្រី។

ចំពោះការផឹកតែបៃតងវិញគឺអាចជួយកាត់បន្ថយជំងឺដាច់សរសៃឈាមខួរក្បាលបានទៅដល់ ១៤ទៅ២០% ។

៥ ការការពារជំងឺផ្សេងៗ

ការផឹងកាហ្វេអាចជួយកាត់បន្ថយហានិភ័យនៃការខូចខាតថ្លើមបាន ៨៤% ហានិភ័យនៃជំងឺមហារីកពោះវៀនធំរហូតដល់ ៣៨% ជំងឺមហារីកស្បែកបាន ២០% និងការពារជំងឺរលាកសន្លាក់  ៤០% ផងដែរ។

ជារួមអ្នកគួរទទួលទានជាតិកាហ្វេអ៊ីនទៅតាមបរិមាណឲ្យបានសមរម្យជាប្រចាំ និងជៀសវាការទទួលទានច្រើននៅពេលយប់ពីព្រោះអាចធ្វើឲ្យប៉ះពាលទៅដល់ការគេងរបស់អ្នក៕

ប្រភព: healthline ដោយ: ជា បញ្ញា