[វីដេអូ] #Ep.94 ប្រធានបទ៖ តើសណ្តែកដីមានអត្ថប្រយោជន៍អ្វីខ្លះ?

១ កាត់បន្ថយជំងឺទឹកនោមផ្អែម
សណ្តែកដីមួយពែងមានទម្ងន់ 164 ក្រាម (g) ផ្តល់ 12.8 ក្រាមប្រភពនៃជាតិសរសៃ។ជាតិសរសៃផ្តល់អត្ថប្រយោជន៍ជាច្រើនដល់អ្នកដែលមានជំងឺទឹកនោមផ្អែម។របបអាហារដែលមានជាតិសរសៃខ្ពស់អាចជួយកាត់បន្ថយកម្រិតជាតិស្ករក្នុងឈាម ជួយគ្រប់គ្រងទម្ងន់ និងកាត់បន្ថយហានិភ័យនៃការវិវត្តទៅជាជំងឺទឹកនោមផ្អែមប្រភេទទី 2 ។

២ ល្អសំរាប់សុខភាពឆ្អឹង
សណ្តែកដីមានផ្ទុកសារធាតុចិញ្ចឹមជាច្រើនមានដូចជាជាតិដែក កាល់ស្យូម និងសារធាតុចិញ្ចឹមផ្សេងទៀតនៅក្នុងសណ្តែកដី អាចរួមចំណែកដល់រចនាសម្ព័ន្ធឆ្អឹង និងកម្លាំងដែលមានសុខភាពល្អ។គ្រាប់ធញ្ញជាតិដូចជាសណ្តែកដីអាចដើរតួនាទីនៅក្នុងរបបអាហារដែលជួយការពារជំងឺពុកឆ្អឹង។
៣ សម្ពាធឈាម
ដើម្បីការពារជំងឺលើសឈាម អ្នកជំនាញបានណែនាំឲ្យទទួលទានជាតិសូដ្យូមទាប និងបង្កើនការទទួលទានប៉ូតាស្យូមដែលមាននៅក្នុងសណ្តែកដី។ប៉ូតាស្យូមជួយបញ្ចុះសម្ពាធឈាមដោយការដកជាតិសូដ្យូមចេញពីរាងកាយ។

៤ ល្អសំរាប់សុខភាពបេះដូង
ជាតិសរសៃ ប៉ូតាស្យូម វីតាមីន B ជាតិដែក ម៉ាញេស្យូម និងសេលេញ៉ូមនៅក្នុងសណ្តែកដី សុទ្ធតែជួយដល់សុខភាពបេះដូង។ជាតិសរសៃជួយបន្ថយហានិភ័យ នៃជំងឺបេះដូង ដោយកាត់បន្ថយកម្រិតកូឡេស្តេរ៉ុលក្នុងឈាម។
៥ កាត់បន្ថយជំងឺមហារីក
រ៉ាឌីកាល់សេរីគឺជាសារធាតុពុលដែលកកកុញនៅក្នុងរាងកាយដែលជាលទ្ធផលនៃមេតាប៉ូលីស និងកត្តាផ្សេងៗទៀត។នៅពេលដែលជាតិពុលទាំងនេះកើនឡើង អាចបំផ្លាញកោសិកា និងនាំឱ្យមានបញ្ហាសុខភាពជាច្រើន រួមទាំងជំងឺមហារីកផងដែរ។សេលេញ៉ូម និងបេតាការ៉ូទីននៅក្នុងសណ្តែកដីដើរតួជាសារធាតុប្រឆាំងអុកស៊ីតកម្ម ដែលជួយរាងកាយកម្ចាត់រ៉ាឌីកាល់សេរី។
៦ កាត់បន្ថយឱកាសនៃភាពស្លេកស្លាំង
បើគ្មានជាតិដែក រាងកាយមិនអាចបញ្ជូនអុកស៊ីហ្សែនទៅកោសិការបស់ខ្លួនបានទេ ហើយអាចនាំឱ្យមានភាពស្លេកស្លាំងដោយសារកង្វះជាតិដែក។ រោគសញ្ញារួមមានភាពទន់ខ្សោយ និងអស់កម្លាំង។ ក្នុងករណីធ្ងន់ធ្ងរ អាចមានផលវិបាកដែលអាចគំរាមកំហែងដល់អាយុជីវិតថែមទៀតផង។សណ្តែកដីផ្តល់វីតាមីន C មួយចំនួនដែលជួយរាងកាយស្រូបយកជាតិដែក។ការទទួលទានសណ្តែកដីជាប្រចាំអាចជួយកាត់បន្ថយឱកាសនៃការវិវត្តទៅជាកង្វះជាតិដែក។ម៉្យាងវិញសណ្តែកដីមានជាតិសរសៃជួយរក្សាផ្លូវរំលាយអាហារឱ្យមានសុខភាពល្អ និងលើកកម្ពស់ភាពទៀងទាត់ និងភាពងាយស្រួលដល់ក្រពះពោះវៀន។

សូមទស្សនាវីដេអូខាងក្រោម៖