[វីដេអូ] Ep.2 ប្រធានបទ៖ ជំងឺធ្លាក់ទឹកចិត្ត

ជំងឺធ្លាក់ទឹកចិត្តបើតាមអង្គការសុខភាពពិភពលោកក្នុងឆ្នាំ ២០២១ បានប៉ាន់ប្រមាណថាមានចំនួនប្រហែល ២៨០លាននាក់មានជំងឺនេះ និងអត្រា៣.៥% នៃអត្រាប្រជាជនទូទាំងប្រទេស។ នៅអំឡុងពេលកូវីដ19 មានអ្នកជំងឺធ្លាក់ទឹកចិត្តចំនួន ២៥%។

កុម្ភៈ 14, 2023 02:40 648

 
Share
[វីដេអូ] Ep.2 ប្រធានបទ៖ ជំងឺធ្លាក់ទឹកចិត្ត

 

ជំងឺធ្លាក់ទឹកចិត្តគឺជាជំងឺដែលធ្វើឲ្យបុគ្គលមានអារម្មណ៍ទុកសោក គ្រាមគ្រំ មិនសប្បាយចិត្ត អស់សង្ឍឹម អស់កម្លាំង ពិបាកចិត្ត មិនឃ្លានអាហារ ​មិនមានអារម្មណ៍ធ្វើការ និងធ្វើឲ្យអ្នកធ្វើការជាមួយគាត់បាត់បង់ភាពស្និតស្នាលជាមួយគាត់។

ជំងឺធ្លាក់ទឹកចិត្តត្រូវបានបែងចែកជា២គោលសំខាន់ៗ​គឹ សញ្ញាគោលចម្បងៗ និងសញ្ញាបន្ទាប់បន្សំ

សញ្ញាគោលចម្បងសំខាន់ៗ

  1. អ្នកជំងឺមានអារម្មណ៍ពិបាកចិត្ត
  2. អ្នកជំងឺបាត់បង់ការសប្បាយរីករាយ ឬការចូលរួមសកម្មភាពផ្សេងៗ ជាមួយអ្នកដទៃ
  3. អ្នកជំងឺថតចុះនូវថាមពលរបស់គាត់

សញ្ញាបន្ទាប់បន្សំ

  1. -ការគេងមានការថយចុះ
  2. គាត់មានការប្រែប្រួលទៅលើការញុំា
  3. ថយចុះការផ្ចង់ស្មារតី ឆាប់ភ្លេចភ្លាំង អត់តាំងអារម្មណ៍ ចេះតែគិតអវិជ្ជមានលើខ្លួនឯង
  4. គិតច្រើនអាចឈានទៅដល់ការធ្វើអត្តឃាត ឬមនុស្សឃាត
  5. មានអារម្មណ៍ចេះតែពិបាកចិត្ត

មូលហេតុចម្បងដែលធ្វើឲ្យមានជំងឺធ្លាក់ទឹកចិត្តមានដូចជា កត្តាសង្គម កត្តាគ្រួសារ កត្តាខ្លួនឯង កត្តាចំណីអាហារ និងកត្តាហ្សែន។

វ័យដែលប្រឈមនឹងជំងឺធ្លាក់ចិត្តភាគច្រើនកើតទៅលើយុវវ័យចាប់ពីអាយុ ១៨-៣៥ឆ្នាំ។

គួររម្លឹកថា ប្រសិនបើអ្នកមានជំងឺបាក់ទឹកចិត្តអ្នកគួរតែទៅប្រឹក្សាជាមួយគ្រូពេទ្យជំនាញ ឬអ្នកដែលស្គាល់ជឿជាក់ ដើរលេងកំសាន្តបំបាត់ស្រ្តេស ញុំាអាហារល្អសំរាប់សុខភាព គេងឲ្យបានគ្រប់គ្រាន់និងជៀសវៀងការធ្វើអត្តឃាត៕

 

សូមទស្សនាវីដេអូខាងក្រោម៖

 

ពាក្យទាក់ទង: