SkinTalk Ep.24 ប្រធានបទ៖ ស្នាមសង្វារ

ស្នាមសង្វារនៅលើស្បែក គឺមានន័យថាជាការយឺត ឬទាញនៃស្បែកហួសកម្រិតខ្លាំងពេក ដែលធ្វើឲ្យបាត់បង់នៅសារធាតុមួយចំនួនដែលជាប្រភេទពួកប្រូតេអ៊ីន ដែលជាសារ:ធាតុជួយបំបនស្បែកឲ្យមានសភាពណែន។

មិនា 22, 2023 04:00 442

ស្បែករបស់មនុស្សយើងមាន ៣ស្រទាប់ ស្រទាប់ទី២ មានឈ្មោះថា Dermis គឺជាស្រទាប់ស្បែកមួយដែលដើរតួនាទីសំខាន់ជាងគេបំផុតក្នុងស្បែកដែលមានបែកសង្វារ។ ជាទូទៅមូលហេតុដែលធ្វើអោយមានការបែកសង្វារកើតឡើង គឺមានច្រើនកត្តាក្នុងនោះរួមមាន៖

ស្ត្រីមានផ្ទៃពោះ
ចំពោះអ្នកដែលមានភាពលូតលាស់លឿននៅពេលដែលពួកគាត់ពេញវ័យជាពិសេសក្មេងៗអាយុ ១៥-១៦ ឆ្នាំ
អ្នកឡើងទម្ងន់លឿនរហ័ស និងឆាប់ស្រកទម្ងន់
អ្នកហាត់ប្រាណយកសាច់ដុំ( រីកសាច់ដុំ ) ងាយនឹងធ្វើអោយបែកសង្វារផងដែរ។

សង្វារចែកចេញជា៤ប្រភេទធំៗ

សង្វារនៅលើអ្នកមានផ្ទៃពោះ ( មានពណ៌ក្រហម ឬ ពណ៌ក្រម៉ៅ )
ជាប្រភេទសង្វារដែលកើតទៅលើមនុស្សទូទៅ ( មានពណ៌ក្រហម ផ្កាឈូក )
ប្រភេទសង្វារពណ៌ ស
និងមួយប្រភេទទៀតគឺកើតដោយសារស្តើងស្បែក។

ជារួមសង្វារអាចកើតនៅគ្រប់ប្រភេទស្បែកមិនថាបុរស ឬស្រ្តីនោះទេ ប៉ុន្តែគេសង្កេតឃើញមួយចំនួនភាគច្រើនអ្នកមានស្បែកស្រអាប់ងាយនឹងឡើងសង្វារជាងអ្នកស្បែក ស ឬស្លេក។

គួរកត់សង្គាល់ថា សង្វារគឺអាចព្យាបាលបាន តែមិនអាចព្យាបាលអោយជាស្អាតដូចដើម ១០០%បាននោះទេ គ្រាន់តែការព្យាបាលនិងវិធីក្នុងការព្យាបាលជួយអោយសង្វារមានការធូរស្រាលជាងមុនតែប៉ុណ្ណោះ។

ដូចនេះដើម្បីបង្ការបញ្ហាស្នាមសង្វារនៅលើស្បែកអ្នកគួរលាបឡេការពារកំដៅថ្ងៃ ញុំាអាហារណាដែលល្អសំរាប់សុខភាពមានដូចជា បន្លែ ផ្លែឈើ ញុំាទឹកឲ្យបានច្រើន រក្សាទម្ងន់ កុំធ្វើលំហាត់ប្រាណហួសកម្រិត និងមិនគួរប្រើប្រាស់ផលិតផលដែលសារធាតុស្តេរ៉យ រយ:ពេលយូរដោយមិនបានត្រួតពិនិត្យនិងពិគ្រោះជាមួយអ្នកជំនាញ៕