SkinTalk Ep.25 ប្រធានបទ៖ បញ្ហាសក់ជ្រុះ

ជាទូទៅប្រហែលជា មានមនុស្សមួយចំនួនមានការយល់ច្រឡំនិងមានក្តីបារម្ភថា នៅពេលដែលខ្លួនឯងមានការជ្រុះសក់ចាប់ពី ១០សរសៃ ទៅ ២០សរសៃតែងតែចាត់ទុកថាខ្លួនមានបញ្ហាជ្រុះសក់ ប៉ុន្តែមិនមែននោះទេ ។ ការជ្រុះសក់ដែលមានបញ្ហានោះគឺការជ្រុះសក់ចាប់ពី ៥០សរសៃឡើងទៅជារៀងរាល់ថ្ងៃទោះយើងបានកក់សក់ហើយឬមិនបានកក់សក់ក៏ដោយ ទើបអាចចាត់ចូលជាបញ្ហាសក់ជ្រុះ ។

មេសា 25, 2023 03:23 324

 
Share
SkinTalk Ep.25 ប្រធានបទ៖ បញ្ហាសក់ជ្រុះ

ភាគច្រើនបញ្ហាសក់ជ្រុះនេះ កើតឡើងចំពោះក្មេងៗច្រើនជាងមនុស្សចាស់ បានន័យវ័យដែលជ្រុះខ្លាំងបំផុតគឺវ័យចាប់ពី ១៨ឆ្នាំរហូតដល់៣០ឆ្នាំ ។

សញ្ញាដែលសម្គាល់ដឹងថាកំពុងតែជួបនៅបញ្ហាសក់ជ្រុះគឺមានដូចជា៖

  • សក់ចាប់ផ្ដើមជ្រុះចាប់ពី៥០​សរសៃឡើងទៅជារៀងរាល់ថ្ងៃ
  • សក់ឆាប់ឡើងព្រេង
  • ចាប់ផ្ដើមមានអង្គែខុសធម្មតា

សរសៃសក់ គឺត្រូវការការយកចិត្តទុកដាក់ជាខ្លាំងដូច ជាមិនត្រូវសិតសក់ខ្លាំងៗពេលសក់សើមជាដើម។ បើសក់ជំពាក់ត្រូវប្រើក្រាសសិតថ្នមៗនិងប្រើម្រាមដៃជំនួយ។ យើងក៏ត្រូវបន្ថយការអប់សក់អ៊ុតរួញនិង ប្រដាប់ផ្លុំសក់និងជាតិគីមីផ្សេងទៀត។

សូមជំរាបជូនថា បញ្ហាសក់ជ្រុះគឺដោះស្រាយបានទាំងអស់ សំខាន់យើងត្រូវរកមូលហេតុថាតើមកពីបញ្ហាអ្វី មុននឹងទិញនៅផលិតផលអ្វីមួយមកប្រើប្រាស់ត្រូវពិនិត្យឲ្យបានច្បាស់លាស់ជាមុនសិន។

សូមទស្សនាវីដេអូខាងក្រោម៖