SkinTalk Ep.32 ប្រធានបទ៖ ជំងឺមុន

កត្តាធ្វើអោយកើតមុន

ការកើតមុនអាចកើតឡើងបានគ្រប់វ័យ កូនង៉ែត កូនក្មេង យុវវ័យ ឬវ័យ៤០ទៅ៥០ឆ្នាំ ក៍នៅមានជំងឺមុនបានដែរ។

កត្តាធ្វើអោយកើតមុនមានច្រើន៖

• សេនេទិច

• កត្តាតំណពូជ៖បើយើងមានឪពុកមា្តយកើតមុននោះសែនរបស់គាត់នឹងបន្ដមកដល់កូនដូចគ្នា
• កត្តាអ័រម៉ូន៖មិនថាមនុស្សស្រីឬប្រុសទេ នៅពេលកំរិតអ័រម៉ូនឡើងខ្ពស់លើសកំរិត បំរែបំរួលអ័រម៉ូនខុសធម្មតា និងអ័រម៉ូនប្រភេទមួយទៀត អ័រម៉ូនIGF1 (INSULIN-LIKE GROWTH FACTOR-1)ជាអ័រម៉ូនជួយជម្រុញឲ្យផលិតជាតិខ្លាញ់ក្នុងខ្លួនយើងបានច្រើន។ពេលខ្លាញ់ទាំងនេះបញ្ចេញមកច្រើនធ្វើអោយស្ទះគល់រោម ដែលបង្កើតបានជាមុន។

• កត្តាខាងក្រៅ

• ការស្រ្តេសខ្លាំង
• ការបរិភោគអាហារ(ហាមរបស់មានជាតិផ្អែមខ្លាំង នឹងជាតិខ្លាញ់ច្រើន)
• ការធ្វើអនាម័យ(ការពារដីហុយជាដើម)

• កត្តាស្បែកឆាប់កើតមុន

• ស្បែកខ្លាញ់
• ស្បែកងាយរងប្រតិកម្ម
• ស្បែកមានប្រេង

កត្តាដែលបានលើកឡើងខាងលើគឺអាចកើតមានសំរាប់យុវវ័យដូចគ្នាជាពិសេសនៅវ័យ ១៣ទៅ១៨ គឺជាវ័យពេញលូតលាស់ហើយមានការបំរែបំរួលអ័រម៉ូនខ្លាំង ធ្វើអោយងាយកើតមុនគ្រប់ប្រភេទមិនថា មុនកប់ មុនរលាក មុនក្បាលស ក្បាលខ្មៅ ឬមុនខ្ទុះតូចៗ បើនៅពេលកំពុងលូតលាស់មាន មុនធំៗមានខ្ទុះ វាជាប្រភេទមុនអ័រម៉ូន នោះមានន័យថាការបំរែបំរួលអ័រម៉ូនរបស់អ្នកគឺខ្លាំង។

ផលពិបាកពេលកើតជំងឺមុន

យើងម្នាក់ៗពេលដែលជួបបញ្ហាកើតមុនតែងតែប្រឈមនូវបញ្ហាផ្លូវចិត្ត ពិបាកចិត្ត ជាដើម នឹងបញ្ហាដែលកើតមុនយូរហើយព្យាបាលមិនទាន់ពេលវេលា ធ្វើអោយមុនស៊ីសាច់មុខ ហើយមានស្នាមខ្មូតពេលព្យាបាលរួច។

ប្រភេទអាហារមិនគួរបរិភោគពេលឡើងមុន

• អាហារដែលមានជាតិផ្អែមខ្លាំង
• អាហារដែលមានជាតិខ្លាញ់ច្រើន
• អាហារប្រូតេអ៊ីនច្រើនលើស(ពិសេសអ្នកចូលចិត្តហាត់ប្រាណ)

ដើម្បីជ្រៀសវាងការឡើងមុនត្រូវគេងអោយបានគ្រប់គ្រាន់(មុនម៉ោង១១) ហូបផឹកអោយបានច្រើន របបអាហារសូមព្យាយាមហូបបន្លែផ្លែឈើឲ្យបានច្រើន ប្រើប្រាស់ផលិតផលមានស្ដង់ដាត្រឹមត្រូវ សមនឹងស្បែក និងលាបឡេការពារកម្ដៅថ្ងៃជាប្រចាំមុនពេលចេញទៅក្រៅ៕

សូមទស្សនាវីដេអូខាងក្រោម៖