ប្រធានបទ ៖ អស្ចារ្យមែន! សេវាកម្ម Streaming របស់អង្គការ NASA នឹងមកដល់ក្នុងពេលឆាប់ៗនេះ

បើយោងតាមទីភ្នាក់ងារអវកាសអាមេរិកបាននិយាយកាលពីថ្ងៃព្រហស្បតិ៍កន្លងទៅថា អង្គការ NASA នឹងចាប់ផ្តើមដំណើរការសេវាកម្មផ្សាយផ្ទាល់របស់ខ្លួននៅចុងឆ្នាំនេះ។ សេវាកម្មនេះហៅថា “NASA Plus” ដែលនឹងផ្សាយផ្ទាល់នូវបេសកកម្មរបស់ខ្លួន។

សីហា 1, 2023 02:05 689

ប្រធានបទ ៖ អស្ចារ្យមែន! សេវាកម្ម Streaming របស់អង្គការ NASA នឹងមកដល់ក្នុងពេលឆាប់ៗនេះ

ចំពោះ NASA Plus នឹងបង្ហាញវីដេអូរូបភាពដើមរួមទាំងកម្មវិធីថ្មីៗដែលត្រូវបានផលិតសម្រាប់សេវាកម្ម Stream ផងដែរ។ យោងតាម trailer ចំណងជើងនៃ series និងប៉ុស្តិ៍មួយចំនួនមានដូចជា NASA Talks, Space Out, The Color of Space, NASA Kids, NASA Explorers, WEBB Space Telescope, First Light, NASA En Español, Lucy, Mars Is Hard, NASA Explorers: Osiris Rex និង Artemis I: Path to the Pad ជាដើម។

លោក Marc Etkind នាយករងគ្រប់គ្រងនៃការិយាល័យទំនាក់ទំនងរបស់ទីភ្នាក់ងារនេះបានមានប្រសាសន៍នៅក្នុងសេចក្តីថ្លែងការណ៍មួយថា " ការផ្លាស់ប្តូរវត្តមានឌីជីថលរបស់យើងនឹងជួយយើងឱ្យកាន់តែប្រសើរឡើងនូវរឿងរ៉ាវអំពីរបៀបដែល NASA រុករកអ្វីដែលមិនស្គាល់នៅក្នុងលំហអាកាស និងលំហបំផុសគំនិត តាមរយៈការរកឃើញ និងការច្នៃប្រឌិតសម្រាប់ជាប្រយោជន៍ដល់មនុស្សជាតិ " ។

សូមជម្រាបថា NASA Plus នឹងដាក់ឲ្យប្រើប្រាស់ដោយមិនគិតថ្លៃ និងមិនមានការផ្សាយពាណិជ្ជកម្មនោះទេ ដោយធ្វើការចាក់ផ្សាយនៅក្នុង Apple TV, Fire TV និង Roku ក៏ដូចជានៅលើកម្មវិធី iOS, Android NASA ហើយនិងនៅលើកុំព្យូទ័រផងដែរ៕