[វីដេអូ] Ep.3​ ​​# ជំងឺរលាកសួតកុមារ

អាណាព្យាបាលអាចដឹងពីរោគសញ្ញារបស់កូនបានតាមរយ:ការស្តែងចេញនូវរោគសញ្ញាមួយចំនួនដូចជា ក្អក ក្តៅខ្លួន អស់កម្លាំង និងនៅពេលដែលគាត់គេង ឬ លេងពិបាកក្នុងការដកដង្ហើមធ្វើឲ្យឆ្អឹងជំនីផើតឡើងចុះជាដើម។ទាំងនេះគឺជារោគសញ្ញាដែលឪពុកម្តាយ ឬអាណាព្យាបាលចាប់អារម្មណ៍ថាកូនរបស់គាត់មានរោគសញ្ញាខុសពីធម្មតា ។

តើរោគសញ្ញារលាកសួតចំពោះកុមារកើតឡើងដោយពពួកមេរោគអ្វីខ្លះ?

រោគសញ្ញារលាកសួតចំពោះកុមារកើតឡើងពីពពួកបាត់តេរី ពពួកវិរុស​ ហ្វង់ហ្គី និងមួយទៀតគឺកម្រជួបគឺជាជម្ងឺរបេង។

នៅពេលដែលគ្រូពេទ្យបានដឹងអំពីមេរោគនេះ គ្រូពេទ្យងាយស្រួលក្នុងការធ្វើរោគវិនិច្ឆ័យព្យាបាលទាន់ពេលវេលា។

ចំពោះករណីរលាកសួតធម្មតា មិនស្តែងចេញរោគសញ្ញា ហត់ ក្តៅខ្លួនខ្លាំង មិនពិបាកដកដង្ហើម  អ្នកអាចទៅទទួលការព្យាបាលនៅតាមមន្ទីរពេទ្យ ហើយអ្នកក៍អាចយកកូនមកសម្រាកនៅផ្ទះបានដែរ។ប៉ុន្តែប្រសិនបើករណីធ្ងន់ធ្ងរ ដូចជា កូនហត់ ពិបាកក្នុងការដកដង្ហើម ឡេះឡះ អស់កម្លាំងខ្លាំង និងក្តៅខ្លួនខ្លាំង អ្នកត្រូវប្រញាប់យកកូនមកមន្ទីរពេទ្យដែលជិតបំផុតដើម្បីព្យាបាលឲ្យទាន់ពេល។

វិធីសាស្រ្តក្នុងការថែទាំ

ការព្រួយបារម្ភចំពោះក្មេងតូចនៅចន្លោះ ៦ខែទៅ ៦ឆ្នាំ គឺមានរោគសញ្ញាក្តៅប្រកាច់ ប្រសិនបើបង្ករដោយពពួកបាតេរី ធ្វើឲ្យក្តៅខ្លាំងខុសពីធម្មតា ហត់អស់កម្លាំងខុសពីធម្មតា ឪពុកម្តាយអាចឲ្យថ្នាំបញ្ចុះកម្តៅទៅកូនលើប ជូតកន្សែងត្រជាក់ ដើម្បីជៀសវាងការប្រកាច់ឬឡើងកម្តៅខ្លាំង។លើសពីនេះប្រសិនបើកូនមានរោគសញ្ញាដូចជាត្រជាក់ចុងដៃ ចុងជើង និង បបូរមាត់ស្វាយខុសពីធម្មតាអាណាព្យាបាលត្រូវប្រញាប់យកកូនមកមន្ទីរពេទ្យដែលជិតបំផុតដើម្បីព្យាបាលឲ្យទាន់ពេលវេលា។

សារដ៏មានប្រយោជន៍

១​ ឪពុកម្តាយត្រូវយកកូនចាក់វ៉ាក់សាំងមួយចំនួន ដូចជា វ៉ាក់សាំងផ្តាសាយ

២ ការរស់នៅស្អាត បរិភោគអាហារប្រកបដោយអនាម័យ ដោយការលាងសម្អាតដៃ  ការញុំាស្អាត និង ផឹកស្អាត

៣ បរិភោគអាហារប្រកបដោយតុល្យភាព ដូចជា អាហារដែលមានជីវជាតិ មានសារធាតុបំប៉នដើម្បីការពារជម្ងឺផ្សេងៗ

៤ ប្រសិនបើសង្ស័យថាកូនមានជម្ងឺរលាកសួត ឪពុកម្តាយត្រូវប្រញាប់យកកូនមកមន្ទីរពេទ្យជាប្រញាប់។

Fចំពោះអាហារសម្រាប់អ្នកជម្ងឺរលាកសួត មានដូចជា អាហារទន់ៗ បបរ ទឹកដូង អាហារងាយរលាយ ត្រីសាច់ដែលទន់ៗដូចជា ត្រីផាត់ សាច់ជ្រូកផាត់ ជាដើម៕

សូមទស្សនាវីដេអូដូចខាងក្រោម៖

ប្រភព: វេជ្ជបណ្ឌិត: វ៉ាន់ ចាន់កុលាប