អភិបាលខេត្តកំពង់ចាម បិទចរាចរណ៍ជាបណ្ដោះអាសន្ន ដោយសាររងការបាក់ស្រុត ច្រាំងទន្លេ ស្ថិតនៅសង្តាត់កំពង់ចាម ក្រុងកំពង់ចាម

នៅវេលាម៉ោង ១២ រំលងអាធ្រាត្រឈានចូលថ្ងៃទី៣១ ខែមករា ឆ្នាំ២០២៦ ច្រាំងទន្លេមេគង្គ ស្ថិតនៅសង្តាត់កំពង់ចាម ក្រុងកំពង់ចាម បន្តបាក់ស្រុតចូលទឹកទន្លេ ធ្វើឲ្យមានការភ្ញាក់ផ្អើលដល់ប្រជាពលរដ្ឋ និងអ្នកលក់ដូរ តាមមាត់ទន្លេ។

មករា 31, 2026 09:11 47

 
Share
អភិបាលខេត្តកំពង់ចាម បិទចរាចរណ៍ជាបណ្ដោះអាសន្ន ដោយសាររងការបាក់ស្រុត ច្រាំងទន្លេ ស្ថិតនៅសង្តាត់កំពង់ចាម ក្រុងកំពង់ចាម

អភិបាលខេត្តកំពង់ចាម បានចុះត្រួតពិនិត្យ និងហាមដល់បងប្អូន ប្រជាពលរដ្ឋ មិនឲ្យធ្វើដំណើរឆ្លងកាត់ និងលក់ដូរនៅតាមមាត់ទន្លេ នៅក្បែរកន្លែងដែលរងការបាក់ស្រុតនោះ ជៀសវាងមានគ្រោះថ្នាក់ផ្សេងៗ។

ឯកឧត្តម អភិបាលខេត្ត ក៏បានណែនាំដល់ កងកម្លាំង អាវុធហត្ថ និង កងកម្លាំងនគរបាលខេត្ត និងអាជ្ញាធរក្រុង សហការគ្នាក្នុងការសម្រួលដល់ការធ្វើដំណើរ និងបិទចរាចរណ៍ជាបណ្ដោះអាសន្ន រង់ចាំមន្ត្រីជំនាញត្រួតពិនិត្យ និងជួសជុលឡើងវិញ។

សូមបញ្ជាក់ថា គិតមកត្រឹមម៉ោង ១២យប់ នេះ ច្រាងទន្លេខាងលើបានបន្តបាក់ស្រុត ប្រវែងប្រមាណ ១០០ម៉ែត្រ ទទឹងប្រមាណ១០ម៉ែត្រ៕

ប្រភព និងរូបភាព៖ មន្ទីរព័ត៌មានខេត្តកំពង់ចាម