ក្រុមហ៊ុន SpaceX ជោគជ័យក្នុងការបាញ់បង្ហោះសាកល្បងជាលើកដំបូងនូវរ៉ុក្កែតជំនាន់ថ្មី Starship V3 នៅរដ្ឋតិចសាស់

ក្រុមហ៊ុនបច្ចេកវិទ្យាអវកាស SpaceX របស់មហាសេដ្ឋី Elon Musk បានបង្កើតប្រវត្តិសាស្ត្រថ្មីមួយទៀត ដោយបានបាញ់បង្ហោះសាកល្បងជាលើកដំបូងនូវរ៉ុក្កែតយក្សជំនាន់ចុងក្រោយបង្អស់ "Starship V3" ពីមូលដ្ឋានទ័ពអវកាស Starbase នៅក្នុងតំបន់ Boca Chica រដ្ឋតិចសាស់ កាលពីថ្ងៃសុក្រ ទី២២ ខែឧសភា ឆ្នាំ២០២៦។

ឧសភា 23, 2026 09:35 23

ក្រុមហ៊ុន SpaceX ជោគជ័យក្នុងការបាញ់បង្ហោះសាកល្បងជាលើកដំបូងនូវរ៉ុក្កែតជំនាន់ថ្មី Starship V3 នៅរដ្ឋតិចសាស់

រ៉ុក្កែត Starship V3 គឺជាកំណែទម្រង់ដែលត្រូវបានធ្វើបច្ចុប្បន្នភាព និងពង្រីកទំហំឱ្យកាន់តែធំជាងមុន ដោយវាមានកម្ពស់ខ្ពស់ជាង និងមានកម្លាំងរុញច្រានខ្លាំងជាងម៉ូដែលមុនៗឆ្ងាយណាស់។ នៅក្នុងការសាកល្បងនេះ រ៉ុក្កែតបានហោះឡើងទៅដល់គន្លងតារាវិថីដោយរលូន ដែលជាការបង្ហាញពីភាពជោគជ័យដ៏ធំធេងនៃប្រព័ន្ធបច្ចេកវិទ្យា និងម៉ាស៊ីនរុញច្រានជំនាន់ថ្មីរបស់ក្រុមហ៊ុន។
ការបាញ់បង្ហោះជាប្រវត្តិសាស្ត្រនេះ ធ្វើឡើងភ្លាមៗត្រឹមតែពីរថ្ងៃប៉ុណ្ណោះ បន្ទាប់ពី SpaceX បានដាក់ពាក្យស្នើសុំជាផ្លូវការដើម្បីត្រៀមបោះផ្សាយលក់ភាគហ៊ុនជាសាធារណៈ (IPO)។ ជោគជ័យនៃការហោះហើររបស់ Starship V3 នេះ ត្រូវបានគេមើលឃើញថាជាការផ្តល់ទំនុកចិត្តយ៉ាងខ្លាំងដល់វិនិយោគិន និងជាជំហានដ៏សំខាន់បំផុតមួយសម្រាប់ SpaceX ក្នុងការឈានទៅសម្រេចគោលដៅដឹកជញ្ជូនមនុស្សទៅកាន់ព្រះច័ន្ទសម្រាប់គម្រោង Artemis របស់ណាសា (NASA) ក៏ដូចជាការធ្វើដំណើរទៅកាន់ភភអង្គារ (Mars) នាពេលអនាគត។
លោក Elon Musk បានសម្តែងការអបអរសាទរចំពោះក្រុមការងារទាំងអស់ ហើយបានបញ្ជាក់ថា Starship V3 នឹងក្លាយជាកម្លាំងចលករចម្បងមិនត្រឹមតែសម្រាប់ការរុករកទីអវកាសនោះទេ ប៉ុន្តែក៏សម្រាប់ការពង្រីកបណ្តាញផ្កាយរណប និងមជ្ឈមណ្ឌលទិន្នន័យ AI នៅក្នុងគន្លងអវកាសរបស់ក្រុមហ៊ុនផងដែរ៕