ក្រសួងសុខាភិបាល៖ មានករណីជនជាតិចិន ២នាក់រត់ចេញពីការធ្វើចត្តាឡីស័ក ក្នុងសណ្ឋាគារមួយនៅរាជធានីភ្នំពេញ

កញ្ញា 10, 2020 02:09 1925

 
Share
ក្រសួងសុខាភិបាល៖ មានករណីជនជាតិចិន ២នាក់រត់ចេញពីការធ្វើចត្តាឡីស័ក ក្នុងសណ្ឋាគារមួយនៅរាជធានីភ្នំពេញ

ភ្នំពេញ៖ នៅយប់ថ្ងៃទី៩ ខែកញ្ញា ឆ្នាំ២០២០កាលពីម្សិលមិញ លោកស្រី ឱ វណ្ណឌីន រដ្ឋលេខាធិការ និងអ្នកនាំពាក្យក្រសួងសុខាភិបាលបានឲ្យដឹងថា មានករណីជនជាតិចិន០២នាក់បានរត់ចេញពីសណ្ឋាគារមួយ ក្នុងរាជធានីភ្នំពេញ។ ពួកគាត់ជាអ្នកដំណើរមកពីប្រទេសចិនមកដល់កម្ពុជានៅម៉ោងប្រហែល១១ថ្ងៃត្រង់នៅថ្ងៃទី០៨ ខែកញ្ញា ឆ្នាំ២០២០។

សូមបញ្ជាក់ថា លោកស្រី ឱ វណ្ណឌីន បានបន្ថែមទៀតថា បុរសជនជាតិចិនទាំងពីរនាក់បានចូលស្នាក់នៅសណ្ឋាគារមួយក្នុងរាជធានីភ្នំពេញ ដើម្បីរង់ចាំលទ្ធផលធ្វើតេស្តរកវីរុសកូវីដ-១៩ ពួកគាត់ក៏មានទំនាស់គ្នីគ្នាគាត់ បន្ទាប់មកក៏រត់ចេញពីសណ្ឋាគារនោះតែម្តង។

បច្ចុប្បន្នអាជ្ញាធរមានសមត្ថកិច្ចបាន និងកំពុងតែស្រាវជ្រាវរកបុគ្គលទាំងពីរនាក់ខាងលើនេះ ហើយលទ្ធផលធ្វើតេស្តរបស់ពួកគាត់ទាំងពីរនាក់គឺអវិជ្ជមានវីរុសកូវីដ-១៩ ដែលតម្រូវឲ្យបន្តធ្វើចត្តាឡីស័កជាបន្តទៀត៕

 

 

 

ប្រភព: ក្រសួងសុខាភិបាល

 

ពាក្យទាក់ទង: