ចិនព្រមានក្រុមហ៊ុនបរទេសនានាដែលប្រឆាំងនឹងសកម្មភាពនយោបាយរបស់ខ្លួន

BEIJING: ក្រុមហ៊ុន H&M របស់ប្រទេសស៊ុយអ៊ែតនិងក្រុមហ៊ុនបរទេសដ៏ទៃទៀត ប្រឈមនឹងប្រតិកម្មរបស់ចិន បន្ទាប់ពីមានការលើកឡើងអំពីការបារម្ភចំពោះការបង្ខំឲ្យធ្វើការ ដោយចិនគួរតែសម្លឹងមើលអំពីបញ្ហាដ៏ធ្ងន់ធ្ងរនេះឱ្យបានម៉ឺងម៉ាត់ នឹងចរិកលក្ខណ:របស់អ្នកនយោបាយសេដ្ឋកិច្ចចិនក្នុងតំបន់ Xinjiang។ នេះបើតាមការប្រសាសន៍របស់មន្ត្រីចិនដែលបាននិយាយនៅថ្ងៃចន្ទនេះដែលបានចុះផ្សាយដោយសារព័ត៌មាន CNA។

មិនា 29, 2021 10:52 1448

ចិនព្រមានក្រុមហ៊ុនបរទេសនានាដែលប្រឆាំងនឹងសកម្មភាពនយោបាយរបស់ខ្លួន

ក្រុមហ៊ុន H&M Burberry Nike Adidas និងក្រុមហ៊ុនល្បីៗនៅតំបន់ភាគខាងលិចផ្សេងទៀតធ្លាប់រងការប៉ះទង្គិចដោយការធ្វើពហិការរបស់អតិថិជននៅក្នុងប្រទេសចិនកាលពីសប្តាហ៍មុនដោយលើកឡើងអំពីការប្រើប្រាស់កម្លាំងពលកម្មលើការប្រមូលផលកប្បាសនៅក្នុងតំបន់ Xinjiang ។បញ្ហាដែលកំពុងកើតឡើងនេះបានធ្វើឲ្យសហរដ្ឋអាមេរិកនិងរដ្ឋាភិបាលនៅលោកខាងលិចផ្សេងទៀតបង្កើនការដាក់សម្ពាធទៅលើប្រទេសចិនជុំវិញការរំលោភសិទ្ធិមនុស្សនៅតំបន់ភាគខាងលិច។

គួរបញ្ជាក់ថា អ្នកប្រើប្រាស់បណ្តាញសង្គមចិនកាលពីសប្តាហ៍មុនបានចាប់ផ្តើមចែកចាយសេចក្តីថ្លែងការណ៍ឆ្នាំ ២០២០ ដោយក្រុមហ៊ុន H&M បានប្រកាសថាខ្លួននឹងលែងជាប្រភពកប្បាសពីតំបន់Xinjiang ទៀតហើយ។

ក្រុមហ៊ុន H&M បាននិយាយថាការសម្រេចចិត្តនេះគឺដោយសារតែមានការលំបាកក្នុងការធ្វើប្រតិបត្តិការដែលគួរឱ្យទុកចិត្តនៅក្នុងតំបន់និងបន្ទាប់ពីប្រព័ន្ធផ្សព្វផ្សាយនិងក្រុមអង្គការសិទ្ធិមនុស្សបានរាយការណ៍អំពីការប្រើប្រាស់កម្លាំងពលកម្មនៅតំបន់ Xinjiang ដែលជាការចោទប្រកាន់ធ្វើឲ្យទីក្រុងប៉េកាំងបានបដិសេធម្តងហើយម្តងទៀតចំពោះបញ្ហានេះ។

លោក Xu Guixiang ដែលជាអ្នកនាំពាក្យរដ្ឋាភិបាលតំបន់ស៊ីនជាំងបានប្រាប់អ្នកសារព័ត៌មានថាក្រុមហ៊ុនមិនគួរធ្វើនយោបាយដោយប្រើឥរិយាបទសេដ្ឋកិច្ចរបស់ខ្លួនបែបនេះទេ ហើយលោកបានបន្ថែមទៀតថាក្រុមហ៊ុន H&M នឹងមិនអាចរកចំណូលបានទៀតទេ នៅក្នុងទីផ្សារប្រទេសចិនដោយសារតែសេចក្តីថ្លែងការណ៍របស់ខ្លួននេះ។

សូមជម្រាបថា លោក Xu Guixiang បានច្រានចោលរាល់ការចោទប្រកាន់អំពីបញ្ហារំលោភសិទ្ធិមនុស្សនៅក្នុងតំបន់និងបានចោទប្រកាន់ប្រទេសមហាអំណាចលោកខាងលិចថា បានចូលរួមប្រើល្បិចកលធ្វើឲ្យនយោបាយប្រទេសចិនអស្ថិរភាពនឹងការដាក់ទណ្ឌកម្មរបស់ប្រទេសទាំងនោះ៕

ប្រភព: CNA ដោយ: ជា បញ្ញា