អាកាសធាតុក្ដៅ ផ្លែឈើទាំងនេះអាចជួយបំពេញជាតិទឹកបានល្អ

ការបំពេញជាតិទឹកនៅក្នុងខ្លួន គឺសំខាន់ណាស់សំរាប់រាង្គកាយ ជាពិសេសនៅពេលអាកាសធាតុក្ដៅខ្លាំង។ ការផឹកទឹកមិនគ្រប់គ្រាន់អាចធ្វើឲ្យហត់ ឈឺក្បាល រមួលក្រពើ និងមានសម្ពាធឈាមទាបជាដើម។

មេសា 3, 2020 10:29 4147

អាកាសធាតុក្ដៅ ផ្លែឈើទាំងនេះអាចជួយបំពេញជាតិទឹកបានល្អ

ការផឹកទឹកគ្រប់គ្រាន់គឺជារឿងសំខាន់ណាស់ ប៉ុន្តែយើងក៏អាចបំពេញជាតិទឹកតាមរយៈការញ៉ាំផ្លែឈើបានផងដែរ។ អត្ថបទនេះនឹងបង្ហាញអំពីផ្លែឈើសំបូរទៅដោយជាតិទឹកមួយចំនួនដូចខាងក្រោម៖

១. ផ្លែឪឡឹកមានផ្ទុកជាតិទឹករហូតដល់ ៩២%។ ផ្លែឪឡឹក ១៥៤ក្រាម ស្មើនឹងទឹក ១១៨មីល្លិលីត្រ វាមានជាតិសរសៃ និងសារធាតុចិញ្ចឹមផ្សេងទៀតដូចជា វីតាមីន A C និងម៉ាញ៉េស្យូម។ មិនត្រឹមតែប៉ុណ្ណោះ ផ្លែឪឡឹកក៏មានកាឡូរីទាបដែលជួយដល់ការសម្រកទម្ងន់ដោយធ្វើឲ្យឆាប់ឆ្អែត និងកាត់បន្ថយចំណង់អាហារ។

២. ផ្លែស្ត្របឺរីផ្ទុកជាតិទឹក ៩១% ដែលអាចជួយបង្គ្រប់ជាតិទឹកដែលរាងកាយត្រូវការប្រចាំថ្ងៃ។ បន្ថែមពីនេះទៀត ផ្លែនេះក៏សំបូរជាតិសរសៃ សារធាតុប្រឆាំងអុកស៊ីតកម្ម វីតាមីន និងរ៉ែផ្សេងៗ ក្នុងនោះមាន វីតាមីន C និង Folate។ ការញ៉ាំផ្លែស្ត្របឺរីរាល់ថ្ងៃអាចការពារជំងឺបេះដូង ជំងឺទឹកនោមផ្អែម ជំងឺចាស់វង្វេង និងជំងឺមហារីក។

៣. ផ្លែក្រូចមានជាតិទឹក ៨៨%។ ផ្លែក្រូចមួយផ្លែអាចផ្តល់ជាតិទឹក ១១៨មីល្លិលីត្រ រួមជាមួយនឹងជាតិសរសៃ និងសារធាតុចិញ្ចឹមផ្សេងទៀត។ វីតាមីន C និងប៉ូតាស្យូមក្នុងផ្លែក្រូចអាចពង្រឹងប្រព័ន្ធភាពស៊ាំ និង សុខភាពបេះដូង។

៤. ផ្លែដូងមានជាតិទឹក ៩៥% និងសំបូរដោយអេឡិចត្រូលីតរួមមានប៉ូតាស្យូម សូដ្យូម និង chloride។ ទឹកដូងក្រៅពីជួយបំពេញជាតិទឹក និងអាចជួយបំពេញអេឡិចត្រូលីតក្រោយពីការហាត់ប្រាណ។ ទឹកដូងមានផលល្អចំពោះសុខភាពជាភេសជ្ជៈជំនួយកម្លាំងផងដែរ។