ថ្ងៃនេះដឹងច្បាស់ហើយ Ronaldo ពាក់អាវលេខប៉ុន្មាននៅ Manchester United

ប្រិយមិត្តដែលចូលចិត្តតាមដានស្នេហាវិស័យបាល់ទាល់ប្រាកដជាទន្ទឹងរង់ចាំអ៊ុតមើល ថាតើកីឡាករ Cristiano Ronaldo ពាក់អាវលេខប៉ុន្មានក្នុងក្លឹបបិសាចក្រហម Manchester United ប៉ុន្តែកីឡាកររូបនេះត្រូវពិនិត្យសុខភាពជាមុនសិន មុនពេលប្រកាសជាផ្លូវការ ថាជាកីឡាករក្នុងក្លឹប បិសាចក្រហម Manchester United ។ នេះបើយោងតាមការចុះផ្សាយនៅក្នុងសារព័ត៌មាន METRO ។

សីហា 31, 2021 03:49 515

ថ្ងៃនេះដឹងច្បាស់ហើយ Ronaldo ពាក់អាវលេខប៉ុន្មាននៅ Manchester United

សូមបញ្ជាក់ថាកាលពីសប្តាហ៍មុនក្លឹបបិសាចក្រហម Manchester United បានធ្វើ កិច្ចព្រមព្រៀងជាមួយ Juventus ចំពោះការវិលត្រឡប់របស់ Christiano Ronaldo ហើយក្លឹបគ្រោងនឹងប្រកាសពីកុងត្រានេះជាផ្លូវការនៅមុនម៉ោង ១១ យប់ថ្ងៃអង្គារ។

សូមជម្រាបថាកាលពីថ្ងៃអាទិត្យកន្លងទៅ អ្នកគាំទ្ររបស់ក្រុមបិសាចក្រហម Manchester United សង្ឃឹមថានឹងបានឃើញ Ronaldo នៅក្នុងការប្រកួតជាមួយក្រុម Wolves ប៉ុន្តែបច្ចុប្បន្នកីឡាករវ័យ ៣៦ ឆ្នាំរូបនេះកំពុងស្ថិតនៅទីក្រុង Lisbon នៅឡើយ។

បើយោងតាមរបាយការណ៍ដែលបានចេញផ្សាយបានបញ្ជាក់ថា Ronaldo បានឆ្លងកាត់ការត្រួតពិនិត្យសុខភាពរួចរាល់ហើយ នៅសល់តែរឿងតិចតួចប៉ុណ្ណោះដើម្បីធ្វើការ មុនពេល Manchester United ប្រកាសជាផ្លូវការ។

សូមបញ្ជាក់ថា អ្វីដែលអ្នកគាំទ្រកំពុងទន្ទឹងរងចាំយ៉ាងអន្ទះសារនោះ ថាតើកីឡាករ Christiano Ronaldo នឹងពាក់អាវលេខប៉ុន្មាន ស្របពេលនេះដែរកីឡាករ Edinson Cavani គឺជាម្ចាស់អាវលេខ ៧ រួចហើយនៅ Old Trafford ។ ពួកគេនិយាយថា Old Trafford Megastore មិនទាន់បានបោះពុម្ពឈ្មោះ Ronaldo លើអាវនៅឡើយទេរហូតមកដល់ពេលនេះ អ្នកគាំទ្របានទទូចឲ្យមានការប្រកាសជាផ្លូវការអំពីលេខនៅលើអាវរបស់ Ronaldo នេះផងដែរ។