[វីដេអូ]សារវេជ្ជបណ្ឌិត | Ep.42ប្រធានបទ៖ជំងឺលើសសម្ពាធឈាម

ជំងឺលើសសម្ពាធឈាម បើតាមការស្រាវជ្រាវរបស់អង្គការសុខភាពពិភពលោក បានបង្ហាញយ៉ាងច្បាស់ថាជំងឺលើសសម្ពាធឈាមនឹងជាលំដាប់ទី១ ដែលមានផលប៉ះពាល់ទៅលើសុខភាពបេះដូង និងសរសៃឈាម។ក្រៅពីនេះជំងឺលើសសម្ពាធឈាមក៏ជាឃាតករលាក់មុខដោយមិនបានដឹងមុន ទាល់តែឈឺគឺមានសភាពធ្ងន់តែម្ដង រោគសញ្ញារបស់ជំងឺលើសសម្ពាធឈាម មានដូចជា ឈឺក្បាល វិលមុខ ក្អួត រោយក ហើយពេលខ្លះឈឺទ្រូង ហឹងត្រចៀក រួមទាំងឈាមច្រមុះ និងរោគសញ្ញាជាច្រើនទៀតផងដែរ។

កត្តាបង្កឲ្យមានជំងឺលើសសម្ពាធឈាមមានពីរគឺ កត្តាបង្កដែលអាចផ្លាស់ប្តូរបាននិងកត្តាបង្កដែលមិនអាចផ្លាស់ប្តូរបាន។
+ កត្តាដែលអាចផ្លាស់ប្តូរបាន: មានបញ្ហាដូចជា ឡើងជាតិស្ករ ឡើងជាតិខ្លាញ់ ការជក់បារី ស្មុគស្មាញ អ្នកមានរូបរាងធាត់ ការញុំាំស្រាច្រើន ម្ហូបអាហារដែលមានជាតិប្រៃច្រើនពេកក៏ជាបញ្ហាមួយដែលបង្កឲ្យមានជំងឺលើសសម្ពាធផងដែរ។
+កត្តាដែលមិនអាចផ្លាស់ប្តូរបាន: មានបញ្ហាដូចជា អាយុ ភេទ ជាតិសាស្រ្ត ពណ៌សម្បុរគឺមិនអាចផ្លាស់ប្ដូរបានទេ ប៉ុន្តែជារួមកាលណាបានយល់ច្បាស់ពីកត្តាបង្កទាំងអស់នឹងទាក់ទងនឹងការពារគឺមានសារៈសំខាន់ខ្លាំងណាស់ ពីព្រោះបើសិនជាចង់ការពារការលើសសម្ពាធឈាមឲ្យបានល្អប្រសើរ គឺត្រូវកាត់បន្ថយឬទប់ស្កាត់បំបាត់ចោលនៅកត្តាបង្កទាំងអស់ដែលអាចផ្លាស់ប្តូរបាន។
ការព្យាបាលជំងឺលើសសម្ពាធឈាម មានពីរធំៗ ទី១ការប្រើប្រាស់វិធីសាស្ត្រផ្សេងៗដោយមិនបាច់ប្រើថ្នាំនោះទេ មានន័យថាកាត់បន្ថយកត្តាបង្កទាំងអស់នៃជំងឺលើសសម្ពាធឈាមឬកត្តាផ្សេងទៀតដែលរួមផ្សំធ្វើឲ្យប៉ះពាល់ដល់បេះដូងនិងសរសៃឈាម។ ទី២ បើសិនជា ឈាមរបស់អ្នកជំងឺនៅតែឡើង គឺអាចឈានដល់ការប្រើប្រាស់ថ្នាំ អ្នកជំងឺទាំងអស់គួរតែមកជួបគ្រូពេទ្យដើម្បីធ្វើរោគវិនិច្ឆ័យឲ្យច្បាស់ថាពិតជាមានបញ្ហាលើសសម្ពាធឈាមឬមួយក៏អត់?បើសិនជាព្យាបាលឬការពារទាន់ពេលវេលាគឺអត្រាជៀសផុតពីជំងឺបេះដូងនិងសរសៃឈាម មានប្រសិទ្ធភាពរហូតដល់ជាង 80%ឯណោះ៕

សូមទស្សនាវីដេអូខាងក្រោម៖