[វីដេអូ] #Ep.109 ប្រធានបទ៖ អាហារទាំងនេះអាចបណ្តាលឱ្យហើមពោះ

អាហារទាំងនេះអាចបណ្តាលឱ្យហើមពោះ ការចេះជ្រើសរើសអាហារបានត្រឹមត្រូវដើម្បីទទួលទានមិនត្រឹមតែជួយដល់សុខភាពនោះទេ ថែមទាំងជំនួយដល់សម្រស់ថែមទៀតផង។ បន្ថែមពីនោះប្រសិនបើអ្នកមិនបានពិនិត្យអាហារទាំងនោះទេ ដែលអាហារទាំងនោះជាប្រភេទអាហារទុកបានយូរ ឬខូចគុណភាព វានឹងបង្កឲ្យអ្នកពុល ហើមពោះ បន្ទាប់ពីញ៉ាំអាហារទាំងនោះរួច។ ដូចនេះយើងសូមចែករំលែកនូវអាហារដែលធ្វើឲ្យហើមពោះមានដូចជា

កញ្ញា 7, 2022 07:28 492

[វីដេអូ] #Ep.109 ប្រធានបទ៖ អាហារទាំងនេះអាចបណ្តាលឱ្យហើមពោះ

១ សណ្តែក
ការញុំាសណ្តែក ឬផលិតផលសណ្តែកច្រើនពេកអាចធ្វើឲ្យហើមពោះបាន ដោយសារតែសណ្តែកសម្បូរទៅដោយជាតិសរសៃច្រើនប្រភេទគឺសំបូរទៅដោយកាបូអ៊ីដ្រាត ហើយជាពិសេសជាងនេះទៅទៀត ជាតិស្ករដែលមានឈ្មោះថា oligosaccharides ដែលជាជាតិស្ករមិនរំលាយលឿន ។

២ ទឹកដោះគោ
តើអ្នកដឹងទេថាមនុស្ស 3 នាក់ក្នុងចំណោម 4 នាក់ បាត់បង់សមត្ថភាពក្នុងការរំលាយជាតិ lactose ដែលជាកាបូអ៊ីដ្រាតសំខាន់នៅក្នុងទឹកដោះគោ? Lactose អាចបណ្តាលឱ្យហើមពោះ និងបញ្ហារំលាយអាហារសំខាន់ៗផ្សេងទៀត។ ក្រៅពីផលិតផលទឹកដោះគោក៏មានដូចជា ប៊ឺ ឈីស ការ៉េម ទឹកដោះគោជូរ និងផលិតផលផ្សេងៗជាច្រើនទៀត អាចធ្វើឲ្យហើមពោះប្រសិនបើទទួលទានច្រើនពេក ឬហួសកាលបរិច្ឆេទជាដើម។

៣ បន្លែឆៅ
បន្លែឆៅគឺពិបាករំលាយជាងបន្លែឆ្អឹន។ នៅក្នុងបន្លែមានផ្ទុកទៅដោយវិតាមីន និងសារធាតុចិញ្ចឹមជាច្រើន។ ទន្ទឹមនឹងនោះប្រសិនបើអ្នកទទួលទានបន្លែឆៅច្រើនពេកអាចធ្វើឲ្យប៉ះពាល់ទៅដល់សុខភាពដោយធ្វើឲ្យអ្នកពុល រាគរួស ឬហើមពោះជាដើម។

៤ អាហារដែលមានជាតិខ្លាញ់
អាហារដែលមានជាតិខ្លាញ់ខ្ពស់ដូចជាសាច់គោ សាច់ជ្រូកជាដើម។ ការទទួលទានច្រើនពេកធ្វើឱ្យប្រព័ន្ធរំលាយអាហាររបស់អ្នកត្រូវចំណាយពេលយូរក្នុងការកិនបំបែកអាហារទាំងនោះ។ ហេតុផលនេះហើយដែលអាចធ្វើឲ្យអ្នកញុំាច្រើនប្រឈមនឹងការហើមពោះ។

៥ ស្រាបៀរ
ស្រាបៀរមានជាតិកាបូន ដែលអាចនាំឱ្យហើមពោះ។ លើសពីនេះស្រាបៀរមានផ្ទុកជាតិអាល់កុល ដែលធ្វើឲ្យមានបញ្ហារំលាយអាហារ។ ដូច្នេះអ្នកគួរទទួលទានស្រាបៀរក្នុងកម្រិតមួយសមរម្យ។