[វីដេអូ] Ep. 141 ប្រធានបទ៖ ជំងឺកង្វះគ្រាប់ឈាមក្រហម

ឈាម គឺជាសារធាតុរាវដែលផលិតមកពីកោសិការខួរឆ្អឹង ហើយឈាមគឺមានពពួកគ្រាប់ឈាម ស គ្រាប់ឈាមក្រហមហើយនឹងគ្រាប់ឈាម Z ។ នៅពេលដែលយើងមុតដៃ គឺមានហូរឈាមនៅពេលនោះគឺឃើញថាឈាមមានសភាពរាវទេ ប៉ុន្តែនៅក្នុងឈាមមានសារជាតិទឹករហូតដល់ 55% និងសារជាតិពពួកគ្រាប់ឈាមមានប្រហែលជា 45% ។

ឧសភា 29, 2023 07:14 326

[វីដេអូ] Ep. 141 ប្រធានបទ៖ ជំងឺកង្វះគ្រាប់ឈាមក្រហម

មូលហេតុដែលបណ្តាលឲ្យកើតជំងឺកង្វះគ្រាប់ឈាមក្រហម គឺកើតឡើងសារកត្តាផ្សេងៗគ្នា កត្តាខ្លះទាក់ទងបញ្ហាសារជាតិចិញ្ចឹម កង្វះពពួកជាតិដែក កង្វះ Vitamin B12 កង្វះសារជាតិ Folic acid ក៏ជាមូលហេតុមួយដែលធ្វើអោយការផលិតគ្រាប់ឈាមមិនបានគ្រប់គ្រាន់។ បញ្ហាមួយចំនួនទៀតដោយសារអ្នកជំងឹមាន ជំងឺតាឡាសេមៀរក៏ជាមូលហេតុដែលធ្វើឲ្យគ្រាប់ឈាមក្រហមខ្វះផងដែរ។

រោគសញ្ញា

រោគសញ្ញាកង្វះគ្រាប់ឈាមក្រហមស្តែងចេញជារោគសញ្ញាដូចជា ៖

ហត់
ពិបាកដកដង្ហើម បើសិនជាអ្នកជំងឺខ្វះគ្រាប់ឈាមខ្លាំងអាចបណ្តាលអោយមានអាការៈចុកទ្រូង អ្នកខ្លះអាចសន្លប់ឬឈឺក្បាលខ្លាំង។
ចុកទ្រូង
សន្លប់
ឈឺក្បាលខ្លាំង រកមូលហេតុមិនឃើញ ។

រោគវិនិច្ឆ័យ

ចំពោះការធ្វើរោគវិនិច្ឆ័យគ្រូពេទ្យត្រូវបូមឈាមរបស់អ្នកជំងឺដើម្បីពិនិត្យអោយដឹងថា កង្វះគ្រាប់ឈាមឬអត់ អ្នកជំងឺខ្វះគ្រាប់ ឈាមក្រហមចាំបាច់ត្រូវតែពិគ្រោះជាមួយគ្រូពេទ្យជំនាញទើបអាចរករោគវិនិច្ឆ័យបានត្រឹមត្រូវព្យាបាល ចំគោលដៅ។

ការព្យាបាល

ការព្យាបាល គឺត្រូវព្យាលបាលទៅតាមការធ្វើរោគវិនិច្ឆ័យជាក់ស្តែងមួយៗ ប្រសិនបើអ្នកជំងឹគាត់ខ្វះគ្រាប់ឈាមដោយសារកង្វះជាតិដែក គ្រូពេទ្យនឹងអោយថ្នាំជាតិដែកទៅគាត់ដើម្បីបង្គ្រប់ចំនួន គ្រាប់ឈាមក្រហមនិងអាចត្រឡប់មកដូចដើមវិញ។

ដើម្បីជៀសវាងកុំឲ្យកើតមានឡើងនូវកង្វះគ្រាប់ឈាមក្រហម និងបញ្ហាផ្សេងទៀតគួរតែមកពិនិត្យសុខភាព១ឆ្នាំអោយបានម្តងឬពីរដងដើម្បីបានដឹងថាក្នុងខ្លួន ឬមានជំងឺផ្សេងៗ ដូចជាជំងឹទឹកនោមផ្អែម ជំងឺលើសឈាម និងតម្រងឬអត់ បើសិនបើមានជំងឹប្រចាំកាយណាមួយអាចជាកត្តាប្រឈមមុខខ្លាំងនឹងជំងឺខ្វះគ្រាប់ឈាមផងដែរ៕