[វីដេអូ] #Ep.137 ប្រធានបទ៖ អាហារទាំងនេះអាក្រក់សំរាប់ស្បែក

1. សាច់ខ្លាញ់

នៅពេលនិយាយអំពីសាច់ វាមានជាតិខ្លាញ់ឆ្អែតច្រើន ដូចជា ឆ្អឹងជំនីរ ដែលមានជាតិខ្លាញ់ឆ្អែតខ្ពស់មានកំហាប់ខ្ពស់នៃកត្តាលូតលាស់អាំងស៊ុយលីន។ កត្តាលូតលាស់អាំងស៊ុយលីនជំរុញការផលិតអ័រម៉ូនភេទ ដែលធ្វើឲ្យមានការឡើងមុន។ ដូចនេះអ្នកគួរកាត់បន្ថយការញុំាអាហារដែលមានជាតិខ្លាញ់ច្រើន។

2. ភេសជ្ជ:ដែលមានជាតិស្ករ

សូម្បីតែអាហារដែលមានជាតិផ្អែមមិនល្អសំរាប់សុខភាពទេ ប្រសិនបើអ្នកញុំាច្រើនពេក ដូចគ្នានេះដែលភេសជ្ជៈគ្រឿងកំប៉ុងនិងទឹកផ្លែឈើផ្សេងៗ ប្រសិនបើអ្នកទទួលទានច្រើន ធ្វើឲ្យស្បែកបាត់បង់ collagen បាត់បង់ភាពស្រស់ថ្លា ទៅជាឆាប់ចាស់ជ្រាវជ្រួញ បង្កឲ្យកើតជំងឺទឹកនោមផ្អែម។​សូមពិនិត្យ​មើល​គ្រឿង​ផ្សំ​ដែល​មាន​នៅ​លើ​កំប៉ុង ឬ​ដប​ឲ្យ​បាន​ត្រឹម​ត្រូវ ដូច​ជា មើល​កម្រិត​ជាតិ​ស្ករ មើល​កម្រិត​កាឡូរីជាដើម។

3. ទឹកដោះគោ

ការសិក្សាមួយបានឲ្យដឹងថាក្មេងជំទង់ និងការប្រើប្រាស់ផលិតផលទឹកដោះគោ បង្ហាញថាប្រសិនបើទទួលច្រើនបង្កឲ្យកើតមុន។ ទឹកដោះគោជួយបង្កើនកម្រិតអាំងស៊ុយលីន ហើយថែមទាំងមានអ័រម៉ូនលូតលាស់លឿន។ ដូចនេះអ្នកគួរទទួលទានទឹកដោះគោទៅតាមបរិមាណឲ្យបានសមរម្យ។

4. គ្រឿងស្រវឹង

ជាតិអាល់កុលមានសមត្ថភាពពន្លឿនដំណើរការនៃភាពចាស់ និងបណ្តាលឱ្យមានការផ្លាស់ប្តូរស្បែក ជាពិសេសចំពោះស្ត្រី ប្រសិនបើទទួលភេសជ្ជ:គ្រឿងស្រវឹងច្រើនមិនល្អសំរាប់សុខភាពនោះទេ ថែមទាំងធ្វើឲ្យស្បែកបាត់បង់ជាតិទឹក ឆាប់ចាស់ ដោយសារតែជាតិអាល់កុលដើរតួជាថ្នាំបញ្ចុះទឹកនោម វាទាញសារធាតុរាវចេញពីរាងកាយ ធ្វើឲ្យស្បែកខ្វះសំណើម ជាហេតុធ្វើឲ្យស្បែកស្ងួត មានស្នាមជ្រួញ គ្រឿង​ស្រវឹង​ក៏​អាច​បង្កើន​ហានិភ័យ​នៃ​ការ​ធាត់​ជ្រុល ឬ​លើស​ទម្ងន់ ។

5. អាហារ fast food

អាហារបែបបស្ចិមប្រទេសដែលសម្បូរទៅដោយកាឡូរី ជាតិខ្លាញ់ និងកាបូអ៊ីដ្រាតចម្រាញ់មិនល្អសំរាប់សុខភាពនោះទេ។ អាហារ fast food មានដូចជា ប៊ឺហ្គឺ មាន់បំពង ដំឡូងបំពង hotdog គឺជាអាហារចម្បងនៃរបបអាហារបស្ចិមប្រទេស ដែលមានផ្ទុកជាតិសូដ្យូមខ្ពស់ ដែលអាចធ្វើឱ្យស្បែករបស់អ្នកស្ងួត និងធ្វើឱ្យការផលិតកូឡាជែនចុះខ្សោយ ហើយអាចបង្កើនហានិភ័យនៃការកើតមុន ឆាប់ធាត់ ក៏អាចបង្កហានិភ័យនៃការកើតជំងឺលើសឈាម ជំងឺបេះដូង និងជំងឺទឹកនោមផ្អែម ។

សូមទស្សនាវីដេអូខាងក្រោម៖