ប្រធានបទ ៖ របៀបថែរក្សាថ្ម MacBook Pro របស់អ្នកឱ្យបានត្រឹមត្រូវ

• វិធីសាស្រ្ត​រក្សា​ទុក​ដោយ​ស្វ័យ​ប្រវត្តិ​:

វិធីសាមញ្ញបំផុតមួយដើម្បីពង្រីកអាយុកាលថ្មរបស់ MacBook Pro គឺយើងបើកមុខងារឱ្យត្រួតពិនិត្យថ្ម MacBook Pro ដើម្បីធ្វើការគ្រប់គ្រង​ការប្រើប្រាស់ថាមពល និងការចែកចាយ។

ជំហានអនុវត្តន៍ខាងក្រោម ៖

1. ដំបូងចុចលើរូបតំណាង Apple នៅជ្រុងខាងលើផ្នែកខាងឆ្វេងនៃអេក្រង់ ហើយបើក System Preferences (ឬ System Settings ក្នុង macOS 13 Ventura និងថ្មីជាងនេះ)

2. បន្ទាប់មកអូសចុះមកក្រោមក្នុង menu នៅជ្រុងខាងឆ្វេងនៃ Settings window ហើយជ្រើសរើស Battery

3. ស្វែងរកផ្នែក Battery Health ហើយចុចលើរូបតំណាងព័ត៌មាន (​i) ដើម្បីបើកផ្ទាំង pop-up menu

4. បើក toggle នៅជាប់នឹង Optimized Battery Charging ។

ជាមួយនឹងការបើកការសាកថ្ម Optimized Battery នោះ MacBook  របស់អ្នកនឹងចាប់ផ្តើមស្វែងយល់ពីទម្លាប់ប្រើ ប្រាស់របស់អ្នក។ គុណវិបត្តិនេះគឺអ្នកអាចឃើញការផ្អាកការសាកថ្ម និងការប្រើប្រាស់ថាមពលថ្ម MacBook របស់អ្នក។

• គន្លឹះ និងល្បិចផ្សេងទៀត ៖

1. កុំប្រើ MacBook របស់អ្នកក្នុងសីតុណ្ហភាពលើសពី 35°C ព្រោះវាអាចកាត់បន្ថយអាយុកាលថ្មជាអចិន្ត្រៃយ៍។ សីតុណ្ហភាពក្រោម 10°C ក៏នឹងកាត់បន្ថយអាយុកាលថ្មដែរ ប៉ុន្តែមិនដូចកំដៅខ្លាំងទេ។

2.​ សូម​រក្សា​កុំព្យូរទ័រ​នៅ​កន្លែង​ស្ងួត​ដែល​មាន​សីតុណ្ហភាព​មិន​ឡើង​លើស 32°C

3. ដោះស្រោមការពារមួយចំនួនចេញពី MacBook របស់អ្នកនៅពេលសាកថ្ម។ ករណីខ្លះអាចបណ្តាលឱ្យ MacBook របស់អ្នកឡើងកំដៅ។

4. កុំទុក MacBook របស់អ្នកឲ្យនៅថ្មពេញ ឬអត់ ព្រោះពីវាអាចកាត់បន្ថយអាយុកាលថ្មទាំងមូលទៅតាមពេលវេលា ហើយក្រោយមកទៀតអាចនាំឱ្យថ្មលែងអាចសាកបាន។ ជំនួសមកវិញ រក្សាទុក MacBook របស់អ្នកជាមួយនឹងថ្មប្រហែល 50% ឬ 80%។

5. លើសពីនេះទៀតសូមបិទ MacBook កុំបើកចោលរយ: ពេលច្រើនម៉ោង ឬពេញមួយយប់ដោយមិនបានប្រើប្រាស់ ៕

ប្រភព ៖ Slash Gear                            អត្ថបទ ៖ កា