នាទីសុខភាព [វីដេអូ] នាទីសុខភាព Ep.146 ប្រធានបទ៖ វិធីសាស្ត្រទាំង ៤នេះល្អសម្រាប់ស្ត្រីអំឡុងពេលមានផ្ទៃពោះ

ការពពោះគឺជារឿងមួយសំខាន់ណាស់សម្រាប់ស្រ្តីដែលគួរយកចិត្តដាក់តាមដានសុខភាពជាប្រចាំ។ដូច្នេះដើម្បីឲ្យទារក និងម្តាយមានសុខភាពល្អ សូមអនុវត្តនៅវិធីសាស្រ្តទាំងនេះមានដូចជា៖

កញ្ញា 28, 2023 10:03 511

នាទីសុខភាព [វីដេអូ] នាទីសុខភាព Ep.146 ប្រធានបទ៖ វិធីសាស្ត្រទាំង ៤នេះល្អសម្រាប់ស្ត្រីអំឡុងពេលមានផ្ទៃពោះ

១. ការទទួលទានអាហារ

ទទួលទានអាហារដែលមានសុខភាពល្អដូចជាជ្រើសរើសអាហារដែលសំបូរជាតិសរសៃខ្ពស់ មានជាតិខ្លាញ់ទាប និងផ្តោតលើ ត្រី សាច់ ស៊ុត បន្លែ ផ្លែឈើ និងគ្រាប់ធញ្ញជាតិជាដើម។

២. ការហាត់ប្រាណ

ស្រ្តីគួរធ្វើឱ្យរាងកាយសកម្មយ៉ាងហោចណាស់ហាត់ប្រាណ ៣០ នាទីក្នុង១ថ្ងៃដូចជាការដើរ ឬជិះកង់ជាដើម។

៣. បញ្ឃប់ការជក់បារី ញ៉ាំគ្រឿងស្រវឹង

ការជក់បារី ញ៉ាំគ្រឿងស្រវឹង ឬជាតិកាហ្វេអ៊ីន សារធាតុទាំងនេះប៉ះពាល់ដល់ទារកក្នុងផ្ទៃដោយផ្ទាល់។ វាអាចបង្កជាហានិភ័យនៃការសម្រាលមិនគ្រប់ខែ ការរលូតកូន កូនកើតមិនគ្រប់គីឡូ និងបញ្ហាទារកស្លាប់ភ្លាមៗ អាចនឹងកើនឡើងខ្ពស់។ បន្ថែមពីនេះគ្រឿងស្រវឹងគ្រប់ប្រភេទ អាចបង្កជាបញ្ហាមិនប្រក្រតីខាងរាងកាយ និងបញ្ញាស្មារតី ហើយការជក់បារីក៏អាចប៉ះពាល់ដល់សមត្ថភាពក្នុងការមានផ្ទៃពោះម្តងទៀត និងបង្កជាបញ្ហាផ្លូវដង្ហើមផងដែរ។

៤. កាត់បន្ថយស្ត្រេស

ស្រ្តេស និងជំងឺថប់បារម្ភ អាចជះឥទ្ធិពលប៉ះពាល់ទៅដល់កូននៅក្នុងផ្ទៃ ដូចជាប៉ះពាល់ដល់ប្រព័ន្ធភាពស៊ាំ និងខួរក្បាលទារក។ ដូចនេះ ដើម្បីគ្រប់គ្រងស្រ្តេសឲ្យបានល្អ ម៉ាក់ៗគួរគេងឲ្យបានគ្រប់គ្រាន់ ធ្វើសមាធិ ហាត់យូហ្គា ដើរ ឬធ្វើសកម្មភាពកំសាន្តផ្សេងៗ។ គួរពិគ្រោះជាមួយនឹងគ្រូពេទ្យជំនាញ ដើម្បីស្វែងរកដំណោះស្រាយឲ្យបានទាន់ពេលវេលា។