កុំតក់ស្លុតនឹង COVID-19 កំពុងរាតត្បាតខ្លាំងពេក! ការញ៉ាំអាហារទាំងនេះ ក៍អាចជួយពង្រឹងប្រព័ន្ធភាពស៊ាំបានដែរ

សម័យនេះ ជាតិគីមីក៏ច្រើន បរិស្ថានជុំវិញកន្លែងយើងរស់នៅក៏មិនល្អគ្រប់កន្លែងដែរ មេរោគថ្មីៗក៏កើតមានច្រើន ជាក់ស្តែងដូចជាមេរោគកូរ៉ណា COVID-19 បានរាតត្បាតពាសពេញពិភពលោក។ ហេតុនេះ យើងគួរចេះការពារខ្លួនឲ្យបានច្រើន ពីមេរោគ បាក់តេរី និងជាតិគីមី មិនមែនការពារតែខាងក្រៅខ្លួននោះទេ ត្រូវចេះការពារពីក្នុងខ្លួនវិញផង។

 

 

តើ​ការ​ពារពីខាង​ក្នុង​ដោយ​វិធី​ណា? ការ​ការ​ពារ​ពី​ក្នុង សម្ដៅលើ​ការ​ពង្រឹង​ប្រព័ន្ធ​ភាព​ស៊ាំ​ក្នុង​រាង​កាយ​យើង ខណៈ​អាហារ​ជា​វិធី​សាស្ត្រ​ល្អ​មួយ អាច​ជួយ​ឲ្យ​ប្រព័ន្ធ​ភាព​ស៊ាំ​រឹង​មាំ​បាន។ ដូចនេះយើងនឹង​ណែនាំ​របប​អាហារ​មួយ​ចំនួន ដែលល្អ​ខ្លាំង​សម្រាប់​ប្រព័ន្ធ​ភាព​ស៊ាំ​យើង និងអាច​ប្រយុទ្ធ​នឹង​វីរុស ឬ​បាក់តេរី ពី​ខាង​ក្រៅ​បាន។

1.ការញ៉ាំ​ផ្លែ​ឈើ និង​បន្លែ​

ការញ៉ាំ​ផ្លែ​ឈើ និង​បន្លែ វាមាន​ផ្ទុកនៅជាតិ​វីតាមីន​​ជាច្រើន ដែល​មាន​ទំនាក់​ទំនង​ជា​មួយ​ប្រព័ន្ធ​ភាព​ស៊ាំ។ ជាក់​ស្តែង វីតាមីន C ក្នុង​អាហារ​មួយ​ចំនួន ជាពិសេស​ផ្លែ​ស្ត្រប៊ឺរី ម្ទេស​ប្លោក ផ្កា​ខាត់ណា​ខៀវ និង​ ក្រូចឆ្មា សុទ្ធ​តែ​អាច​ជួយ​ដល់​ដំណើរ​ការ​កោសិកា​របស់​ប្រព័ន្ធ​ភាព​ស៊ាំ រាប់​បញ្ចូល​ទាំង​ជួយ​បង្កើន​កោសិកា​ Phagocytes ដែល​មាន​សកម្មភាព​សម្លាប់​មេរោគ​ជ្រៀត​ចូល​មក​ក្នុង​រាង​កាយ​។

វីតាមីន អាច​ជួយ​ដល់​ជាលិកា​ក្នុង​ក្រអូម​មាត់ ពោះវៀន និង​ជួយ​ឲ្យ​ផ្លូវ​ដង្ហើម​មាន​សុខភាព​ល្អ ខណៈ​វីតាមីន​ប្រភេទ​នេះ សម្បូរ​នៅ​ក្នុង​ដំឡូង​បារាំង ស្ពៃពួយឡេង  ការ៉ុត និង​ត្រសក់​ផ្អែម។ ត្រូវ​ចាំ​ថា ញ៉ាំ​ផ្លែ​ឈើ និង​បន្លែ​ជា​ប្រចាំ គឺ​ល្អ​ជា​ងញ៉ាំ​ថ្នាំ​បំប៉ន​ដែល​មាន​តែ​វីតាមីន​មួយ​ប្រភេទ ព្រោះ​សមាសភាព​ទាំង​អស់​ក្នុង​អាហារ​យើង​ញ៉ាំ មាន​សកម្ម​ភាព​ផ្ទាល់​ដើម្បី​ការពារ​រាង​កាយ​ពី​ជំងឺ​ផ្សេងៗ។

 

2.គ្រឿង​ផ្សំ​ក្នុង​អាហារ​

គ្រប់​ប្រភេទ​អាហារ សុទ្ធ​តែ​ផ្តល់​នូវ​សមាសធាតុ​ចាំ​បាច់​ជាច្រើន ជួយ​ឲ្យ​សុខភាព​ល្អ និង​ជំរុញ​ថាមពល គ្រឿង​ផ្សំ​ក្នុង​អាហារ ក៏​ដូច​គ្នា។ ជាតិ​ហឺរ និង​ឈួល ដូច​ជា ស្លឹកខ្ទឹម   ខ្ទឹមស ខ្ញី និង ស្លឹក Oregano (ស្រដៀង​ជីរ) ​ ត្រូវ​បានគេ​សិក្សា​រកឃើញ​ថា មាន​សមត្ថភាព​ដូច​ជា​ទៅ​នឹង​សារធាតុ​ប្រឆាំង​ពពួក​អតិសុខុមប្រាណ ប្រឆាំង​ការ​រលាក និង​សារធាតុ​ប្រឆាំង​អុកស៊ីតកម្ម ដែល​មាន​នាទី​ការពារ​គ្រប់​កោសិកា​ក្នុង​រាងកាយ។

ការ​ប្រើ​ប្រាស់​សារធាតុ​ទាំង​នេះ ក្នុង​ការ​ព្យាបាល គឺ​មាន​ប្រសិទ្ធភាព​ដូច​គ្នា ទាំង​ការ​ចម្រាញ់​យក​ជា​ថ្នាំ និង​ការ​ញ៉ាំ​ផ្ទាល់។ ប៉ុន្តែ​បើ​យើង​ប្រើ​គ្រឿង​ផ្សំ​ទាំង​នេះ ក្នុង​អាហារ​ប្រចាំ​ថ្ងៃ ​នឹង​បន្ថែម​គុណ​ប្រយោជន៍​សំខាន់​ជាច្រើន​ទាំង​រសជាតិដ៏​ជាប់​ចិត្ត ក៏ដូច​ជា​សុខភាព​កាន់​តែ​ល្អ។

3.ការផឹកទឹក

ការផឹកទឹក ជួយកាត់បន្ថយការស្រេកឃ្លាន។ ការផឹកទឹកអាចធ្វើឱ្យអ្នកមានអារម្មណ៍ថាឆ្អែតដោយសារតែពេញពោះ ហើយធ្វើឱ្យអ្នកញ៉ាំ​តិចជាងមុន។ ម៉្យាងវិញទៀតការផឹកទឹក ជួយកាត់បន្ថយជាតិកូឡេស្តរ៉លបានទៀតផង។បើអ្នកផឹកទឹកបានត្រឹមត្រូវតាមក្បួនខ្នាតវាអាចជំនួយក្រពះហើយនឹងអាចជួយឱ្យបង្កើនការរំលាយអាហារពី ១០ ទៅ ២០ ភាគរយថែមទៀតផង។

 

ដោយ ៖ ជា បញ្ញា