[វីដេអូ] នាទីសុខភាព Ep.147 ប្រធានបទ៖ អត្ថប្រយោជន៍ ៥ យ៉ាងរបស់ខ្ទឹមបារាំង

ខ្ទឹមបារាំងជាបន្លែមើមមួយប្រភេទដែលមានរសជាតិឆ្ងាញ់មាននៅក្នុងរបបអាហារ។ បន្ថែមពីនេះខ្ទឹមបារាំងក៏មានអត្ថប្រយោជន៍ជាច្រើនចំពោះសុខភាព ដូច្នេះយើងសូមចែករំលែកមានដូចជា៖

តុលា 6, 2023 01:38 689

[វីដេអូ] នាទីសុខភាព Ep.147 ប្រធានបទ៖ អត្ថប្រយោជន៍ ៥ យ៉ាងរបស់ខ្ទឹមបារាំង

១. ល្អសម្រាប់សុខភាពឆ្អឹង ៖ ខ្ទឹមបារាំងជាប្រភពដ៏ល្អដែលសំបូរទៅដោយជាតិកាល់ស្យូមនិងស្ពាន់ធ័រ វីតាមីន A និង C ដែលចាំបាច់នៅក្នុងការរក្សាសុខភាពឆ្អឹងឲ្យបានរឹងមាំ។ ជាពិសេសស្រ្តីដែលអស់រដូវ គួរទទួលទានខ្ទឹមបារាំងឲ្យបានច្រើនដើម្បីឲ្យឆ្អឹងរឹងមាំ។

២. ទប់ស្កាត់ជំងឺទឹកនោមផ្អែម ៖ ខ្ទឹមបារាំងមានផ្ទុកសារធាតុបាយអូទីនដែលមានប្រសិទ្ធិភាពខ្ពស់ ក្នុងការជួយបញ្ចុះជាតិស្ករនៅក្នុងឈាម ដើម្បីជួយទប់ស្កាត់ការកើតជំងឺទឹកនោមផ្អែមប្រភេទទី ២បានផងដែរ។

៣. ជួយដល់ប្រព័ន្ធរំលាយអាហារ ៖ ខ្ទឹមបារាំង សម្បូរទៅដោយជាតិសសៃរដែលជាសារធាតុចាំបាច់ក្នុងការរក្សាសុខភាពប្រព័ន្ធរំលាយអាហារឲ្យល្អប្រសើរ។

៤. ជួយបញ្ចុះសម្ពាធឈាម ៖ សារធាតុស្ពាន់ធ័រនៅក្នុងខ្ទឹមបារាំងបានដើរតួនាទីជាភ្នាក់ងារជួយបញ្ចុះសម្ពាធឈាមទប់ស្កាត់ហានិភ័យនៃជំងឺដាច់សសៃឈាមខួរក្បាល ឬជំងឺគាំងបេះដូង។

៥. ជួយទប់ស្កាត់ជំងឺមហារីក ៖ ខ្ទឹមបារាំំងមានផ្ទុកសម្បូរទៅដោយសារធាតុ flavonoids (ហ្វាវ៉ាណយ)ដែលជួយប្រយុទ្ធប្រឆាំងទៅនឹងជំងឺមហារីកដោយកាត់បន្ថយការបំផ្លាញទៅលើ DNA និងទប់ស្កាត់ដុំសាច់មហារីកមិនឱ្យកើតឡើង៕