[វីដេអូ] សុខភាពស្ត្រី និង សម្ភព | Ep.15 ប្រធានបទ៖ គុណវិបត្តិនៃការមានកូនក្នុងវ័យចំណាស់

ចំពោះស្រ្តីដែលមានបញ្ហាសុខភាព និងមានកូននៅវ័យចំណាស់ ត្រូវតែទៅពិនិត្យសុខភាពជាមួយវេជ្ជបណ្ឌិតឱ្យបានទាំងពីរនាក់(ដៃគូ) ព្រោះអាចការពារការរលូតកូនខ្ទង់ ៨០ ភាគរយ និងការពារសរីរាង្គពីកំណើតបាន ៩០ ភាគរយ។

មិនា 30, 2024 03:21 358

[វីដេអូ] សុខភាពស្ត្រី និង សម្ភព | Ep.15 ប្រធានបទ៖ គុណវិបត្តិនៃការមានកូនក្នុងវ័យចំណាស់

ការមានកូនក្នុងវ័យចំណាស់របស់ស្រ្តី គឺសំដៅដល់ការចាប់ផ្តើមមានគភ៌ អាយុលើសពី ៣៥ ឆ្នាំ។ ស្រ្តីដែលគួរមានបុត្រ និងអាចមានសុខភាពល្អ គឺស្ថិតនៅអាយុ ១៨ ដល់ ២៥ ឆ្នាំ ឬពី ១៨ ដល់ ៣២ ឆ្នាំ។ ស្រ្តីដែលចង់យកកូននៅអាយុលើសពី ៣៥ ឆ្នាំឡើងទៅ នឹងប្រឈមនឹងជំងឺ ឬហានិភ័យជាច្រើនដល់សុខភាពដែលមានដូចជា៖

១. ជំងឺទឹកនោមផ្អែម

២. ជំងឺព្រាយក្រឡាភ្លើង (Eclampsia) មានភាគរយកើត ១/២០០

៣. ការលើសឈាម

៤. វះកាត់នៅពេលឆ្លងទន្លេ(ភាគរយខ្ពស់)

៥. កូនស្វិតក្នុងពោះ

៦. មានសុខភាពខ្សោយ។ល។

+ ចំពោះទារកដែលនៅក្នុងផ្ទៃវិញ ក៏អាចបង្កឱ្យកើតមានបញ្ហាជាច្រើនដូចជា៖

១. ការរលូត

២. អត់លូតលាស់

៣. ស្លាប់ក្នុងផ្ទៃ

៤. មានជំងឺទ្រីសូមីទី២១ ឬជំងឺ Down Syndrome(សូមមើលកម្មវិធី Dr. Talk Ep. 169)។ល។

ចំពោះស្រ្តីដែលមានបញ្ហាសុខភាព និងមានកូននៅវ័យចំណាស់ ត្រូវតែទៅពិនិត្យសុខភាពជាមួយវេជ្ជបណ្ឌិតឱ្យបានទាំងពីរនាក់ ព្រោះអាចការពារការរលូតកូនខ្ទង់ ៨០ ភាគរយ និងការពារសរីរាង្គពីកំណើតបាន ៩០ ភាគរយ។ មុនពេលមានកូន ស្វាមី និងភរិយា គួរតមការពិសារកាហ្វេ ស្រា បារី និងជាពិសេសហាត់់ប្រាណជាប្រចាំ។ បន្ថែមពីនេះ គួររក្សាទម្ងន់ដែលបានកំណត់តាមស្តង់ដារ BMI។

ជារួម ស្ត្រី និងបុរស ដែលមានបំណងចង់មានកូន គួរតែមានការត្រួតពិនិត្យសុខភាពជាប្រចាំ តើ សុខភាពរាងកាយ និងផ្លូវចិត្តមានលក្ខណៈយ៉ាងណា? មានបញ្ហាអ្វីខ្លះ? អាចយកកូនបានឬទេ? គ្រប់យ៉ាងអាស្រ័យលើសុខភាពរបស់អ្នកទាំងពីរ ថាអាចយកកូនបាន ឬមិនអាចយកកូនបាន?