[COVID-19] ក្រសួងសុខាភិបាលរកឃើញករណីឆ្លងកូវីដ-១៩ថ្មី ០១នាក់ទៀតហើយ

ភ្នំពេញ៖នៅព្រឹកម៉ោង ៧:០០ថ្ងៃទី១៦ ខែកក្កដា ឆ្នាំ២០២០ ក្រសួងសុខាភិបាលបានចេញសេក្តីប្រកាសព័ត៌មានថា កម្ពុជាបានរកឃើញករណីឆ្លងថ្មី ០១នាក់ទៀតហើយដែលជាអ្នកដំណើរមកពីប្រទេសអារ៉ាប់ប៊ីសាអូឌី និងបានបន្តជើងហោះហើរពីប្រទេសម៉ាឡេស៊ី មកដល់កម្ពុជានៅថ្ងៃទី ១០ ខែកក្កដា ឆ្នាំ២០២០ ។

កក្កដា 16, 2020 02:49 2697

 
Share
[COVID-19] ក្រសួងសុខាភិបាលរកឃើញករណីឆ្លងកូវីដ-១៩ថ្មី ០១នាក់ទៀតហើយ
[COVID-19] ក្រសួងសុខាភិបាលរកឃើញករណីឆ្លងកូវីដ-១៩ថ្មី ០១នាក់ទៀតហើយ

 

សូមជម្រាបជូនផងដែរថា ករណីឆ្លងថ្មី ០១នាក់នៅថ្ងៃទី១៥ ខែកក្កដា ឆ្នាំ២០២០ គឺកើតទៅលើបុរសជនជាតិខ្មែរ អាយុ ២៥ឆ្នាំ មានអាស័យដ្ឋាននៅសង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ។

គិតមកដល់ពេលនេះ ករណីឆ្លងកូវីដ-១៩ សរុបនៅទូទាំងប្រទេសកម្ពុជាមានចំនួន ១៦៦ករណីខណៈអ្នកជាសះស្បើយមានចំនួន ១៣៣ករណី ដោយក្នុងនោះស្រ្តី ៣៩នាក់ និងបុរស ៩៤នាក់ ។

ចំពោះអ្នកដែលកំពុងបន្តសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត និងមណ្ឌលសុខភាពចាក់អង្រែគឺមានចំនួន ៣៣នាក់។

គួររម្លឹងថា​ ក្រសួងសុខាភិបាលក៏បានអំពាវនាវឲ្យបងប្អូនមានការប្រុងប្រយ័ត្នខ្ពស់ និងការការពារចម្លងវីរុសកូវីដ-១៩នេះ​៕

 

 

 

ប្រភព: ក្រសួងសុខាភិបាល

ពាក្យទាក់ទង: