ភាពតានតឹងនៅមជ្ឈិមបូព៌ាកាន់តែឡើងកម្ដៅ ខណៈនាវាផ្ទុកយន្តហោះអាមេរិកជួបបញ្ហាបច្ចេកទេស

ស្ថានភាពនៅមជ្ឈិមបូព៌ាកាន់តែមានភាពស្មុគស្មាញ នៅថ្ងៃទី១៧ ខែមីនា ឆ្នាំ២០២៦ បន្ទាប់ពីមានសេចក្តីរាយការណ៍អំពីបញ្ហាបច្ចេកទេសលើគ្រឿងយុទ្ធោបករណ៍ធុនធ្ងន់របស់អាមេរិក។

មិនា 18, 2026 02:05 39

ភាពតានតឹងនៅមជ្ឈិមបូព៌ាកាន់តែឡើងកម្ដៅ ខណៈនាវាផ្ទុកយន្តហោះអាមេរិកជួបបញ្ហាបច្ចេកទេស

ស្ថានភាពវិវត្តន៍ចុងក្រោយនៅតំបន់មជ្ឈិមបូព៌ា កំពុងស្ថិតក្នុងភាពប្រកាសអាសន្ន ខណៈដែលមានសេចក្ដីរាយការណ៍អំពីការវាយប្រហារលើមូលដ្ឋានសន្តិសុខអ៊ីរ៉ង់ និងបញ្ហាបច្ចេកទេសនៃនាវាផ្ទុកយន្តហោះដ៏ធំរបស់សហរដ្ឋអាមេរិក។
យោងតាមទីភ្នាក់ងារសារព័ត៌មាន Reuters បានចេញផ្សាយកាលពីថ្ងៃទី១៧ ខែមីនា ឆ្នាំ២០២៦ ថា នាវាផ្ទុកយន្តហោះដើរដោយថាមពលនុយក្លេអ៊ែរដ៏ទំនើបបំផុតរបស់សហរដ្ឋអាមេរិកគឺ USS Gerald R. Ford ត្រូវបានបង្ខំចិត្តចាកចេញពីតំបន់ប្រតិបត្តិការជាបណ្ដោះអាសន្ន ដើម្បីចូលចតនៅកំពង់ផែដើមវិញ បន្ទាប់ពីមានគ្រោះអគ្គិភ័យកើតឡើងនៅផ្នែកម៉ាស៊ីន។នាវាដ៏ធំមហិមានេះ ត្រូវបានដាក់ពង្រាយដើម្បីត្រៀមលក្ខណៈក្នុងករណីមានសង្គ្រាមជាមួយប្រទេសអ៊ីរ៉ង់។ ការដកខ្លួនជាបណ្ដោះអាសន្នដើម្បីធ្វើការជួសជុល ត្រូវបានគេមើលឃើញថា អាចនឹងធ្វើឱ្យប៉ះពាល់ដល់យុទ្ធសាស្ត្រយោធារបស់អាមេរិក នៅក្នុងខណៈពេលដែលជម្លោះក្នុងតំបន់កំពុងឈានដល់ចំណុចរបត់ដ៏គ្រោះថ្នាក់។ទន្ទឹមនឹងនេះ វីដេអូកាមេរ៉ាដែលជាប់នៅក្នុងរថយន្តត្រូវបានចែកចាយលើបណ្ដាញសង្គម បានបង្ហាញពីទិដ្ឋភាពនៃការវាយប្រហារយ៉ាងខ្លាំងក្លាទៅលើទីបញ្ជាការនគរបាល និងមូលដ្ឋានយោធានៅក្នុងខេត្ត Hamadan ភាគខាងលិចប្រទេសអ៊ីរ៉ង់។

USS Gerald R. Ford (CVN 78)