ជីវិតមនុស្សរាប់ពាន់នាក់កំពុងត្រូវបានគម្រាមកំហែង ដោយភ្លើងឆេះព្រៃនៅរដ្ឋកាលីហ្វ័រញ៉ា

ឡូសអែនជែលឡេស៖ ក្រុមអ្នកពន្លត់អគ្គីភ័យច្រើនជាង១៣០០ នាក់កំពុងតែប្រយុទ្ធនឹងអគ្គីភ័យ ដែលកំពុងឆាបឆេះនៅភាគខាងត្បូងនៃរដ្ឋកាលីហ្វ័រញ៉ា ដែលបានគម្រាមកំហែងដល់មនុស្សរាប់ពាន់អ្នក ទ្រព្យសម្បត្តិ និងផ្ទះសម្បែងជាច្រើនខ្នង។

សីហា 3, 2020 11:34 1701

 
Share
ជីវិតមនុស្សរាប់ពាន់នាក់កំពុងត្រូវបានគម្រាមកំហែង ដោយភ្លើងឆេះព្រៃនៅរដ្ឋកាលីហ្វ័រញ៉ា
ជីវិតមនុស្សរាប់ពាន់នាក់កំពុងត្រូវបានគម្រាមកំហែង ដោយភ្លើងឆេះព្រៃនៅរដ្ឋកាលីហ្វ័រញ៉ា

ភ្លើងកំពុងឆាបឆេះដីប្រមាណ៨០០០ហិកតា បណ្តាលឲ្យមនុស្សជាង ៧៨០០ នាក់កំពុងជម្លៀសចេញពីទីលំនៅ។ ក្រុមពន្លត់អគ្គីភ័យរួមទាំងឧទ្ធម្ភាគចក្រ ០៦ គ្រឿង យន្តហោះទម្លាក់ទឹក ០៦ គ្រឿង និងរថយន្តពន្លត់អគ្គីភ័យជាច្រើនគ្រឿងទៀត កំពុងដាក់ពង្រាយដើម្បីប្រយុទ្ធប្រឆាំងនឹងអគ្គីភ័យនេះហើយមកដល់ពេលនេះគេគ្រប់គ្រងស្ថានការណ៏បានតែ ៥% ប៉ុណ្ណោះ។

ប្រធានផ្នែកពន្លត់អគ្គីភ័យប្រាប់ថា អាកាសធាតុក្តៅហើយស្ងួតខ្លាំងក៏ជាហេតុ ដែលអាចបង្កឲ្យភ្លើងនៅតែបន្តឆេះបានដែរ ហើយក្រុមមន្ត្រីជំនាញកំពុងស៊ើបអង្កេត ស្វែងរកមូលហេតុដែលបណ្តាលឲ្យភ្លើងឆេះព្រៃនេះផងដែរ៕

 

ប្រភព៖ CNA ប្រែសម្រួលដោយ៖ កង ស្រីលីន

ពាក្យទាក់ទង: