មនុស្ស១៣នាក់បានស្លាប់ និងជាង១០០០នាក់ទៀតផ្លាស់ទីលំនៅដោយសារទឹកជំនន់នៅកូរ៉េខាងត្បូង

ទីក្រុងសេអ៊ូល៖ អាជ្ញាធរផ្នែកគ្រប់គ្រងគ្រោះមហន្តរាយនៅប្រទេសកូរ៉េបាននិយាយនៅថ្ងៃអង្គារ៍ ទី៤ ខែសីហា ថាភ្លៀងធ្លាក់ខ្លាំងបានបង្កជាទឹកជំនន់នៅកូរ៉េខាងត្បូង បណ្តាលមនុស្សជាង ១០០០នាក់ បង្ខំចាកចេញពីផ្ទះសម្បែង ហើយយ៉ាងហោចណាស់មនុស្ស១៣នាក់បានស្លាប់ និង១៣នាក់ ផ្សេងទៀតបាត់ខ្លួន។

សីហា 4, 2020 09:28 1829

 
Share
មនុស្ស១៣នាក់បានស្លាប់ និងជាង១០០០នាក់ទៀតផ្លាស់ទីលំនៅដោយសារទឹកជំនន់នៅកូរ៉េខាងត្បូង
មនុស្ស១៣នាក់បានស្លាប់ និងជាង១០០០នាក់ទៀតផ្លាស់ទីលំនៅដោយសារទឹកជំនន់នៅកូរ៉េខាងត្បូង

យោងតាមរបាយការណ៍ការរបស់អាជ្ញាធរបានឲ្យដឹងថា ជនរងគ្រោះបានស្លាប់ក្នុងគ្រោះរអិលបាក់ដី និងត្រូវទឹកគួចយកទៅឆ្ងាយខណៈពេលកំពុងបើកបររថយន្ត។ អាជ្ញាធរបានឲ្យដឹងទៀតថា ដីចម្ការប្រមាណ ៥,៧៥១ហិកតា ត្រូវបានជន់លិច ហើយផ្លូវហាយវ៉េ(Highway) និងស្ពានសំខាន់ៗជាច្រើន នៅរដ្ឋធានីសេអ៊ូល ដែលគាំទ្រដោយភ្ញៀវទេសចរណ៍ ក៏រងការខូចខាតទៀតផង។

យ៉ាងណាមិញ ប្រធានាធិបតីកូរ៉េខាងត្បូងលោក មូន ចេអ៊ីន បានជម្រុញអាជ្ញាធរថ្នាក់ជាតិ និងក្នុងតំបន់ឲ្យបង្កើនការខិតខំប្រឹងប្រែងការពារ និងទប់ស្កាត់កុំឲ្យមានអ្នកស្លាប់ដោយសារទឹកជំនន់បន្តទៀត។

 

ប្រភព៖ CNA ប្រែសម្រួល​៖ កង ស្រីលីន

ពាក្យទាក់ទង: