COVID-19 កំពុងរាតត្បាត! គ្រឿងផ្សំក្នុងអាហារទាំង ៥ នេះ ជួយពង្រឹងប្រព័ន្ធភាពស៊ាំ

បច្ចុប្បន្ននេះវីរុស COVID-19 កំពុងមានឥទ្ធិពល និង រាលដាលខ្លាំងនៅជុំវិញពិភពលោក ដោយមានចំនួនអ្នកឆ្លង និងករណីស្លាប់ជាច្រើនករណីជារៀងរាល់ថ្ងៃ។

មិនា 16, 2020 04:41 1633

ផ្អែកតាមការស្រាវជ្រាវជាច្រើន បានបង្ហាញថាពពួកអាហារមួយចំនួន គួរមាននៅក្នុងរបបអាហារ ដោយសារវាមានសារធាតុជួយពង្រឹងប្រព័ន្ធភាពស៊ាំក្នុងរាងកាយរបស់យើង។

១. រមៀត

ដោយសាររមៀតសម្បូរដោយ សារធាតុព័ណ៌លឿង (Curcumin) ជួយប្រឆាំងនឹងដំណើររលាក ហើយជាមួយគ្នានេះ ក៏ជួយជមរុញឱ្យប្រព័ន្ធភាពស៊ាំក្នុងរាងកាយ ប្រឆាំងនឹងពពួកបាក់តេរី ដែលចម្លងជំងឺ។ សម្រាប់រមៀត ក៏ជួយប្រព័ន្ធភាពស៊ាំប្រឆាំងនឹងមេរោគផ្តាសាយមានប្រសិទ្ធិភាពផងដែរ។

២. ខ្ទឹមបារាំង

ខ្ទឹមបារាំងសម្បូរដោយ សារធាតុស័ង្កសី វីតាមីន C និង B ព្រមទាំងសារធាតុ Selenium និង Sulfur ដែលសុទ្ធសឹងជំរុញ និងពង្រឹងភាពសកម្មរបស់ប្រព័ន្ធភាពស៊ាំក្នុងរាងកាយ ដោយជួយបន្ថយហានិភ័យ និងប្រឆាំងនឹងមេរោគឆ្លង។

៣. ស៊ុត

ស៊ុតបន្ថែមក្នុងរបបអាហារប្រចាំថ្ងៃ ជាកាតាលីករសំខាន់ ជួយឱ្យប្រព័ន្ធភាពស៊ាំប្រសើរឡើង។ នេះក៏ដោយសារសារធាតុប្រូតេអ៊ីន ខ្លាញ់ល្អ វីតាមីន A និង E ដែលនេះជួយរាងកាយយើង ជាខែលប្រឆាំងនឹងមេរោគឆ្លង បន្ថយអត្រាហានិភ័យនៃការឆ្លង។

៤. បន្លែស្ពៃខៀវ (Spinach)

បន្លែខៀវ Spinach សម្បូរដោយសារធាតុ Beta Carotene និងសារធាតុប្រឆាំងអុកស៊ីតកម្ម ដែលនេះជួយបង្កើនសមត្ថភាពប្រឆាំងនឹងមេរោគ របស់ប្រព័ន្ធភាពស៊ាំក្នុងរាងកាយ បានយ៉ាងល្អប្រសើរ។

៥. ខ្ទឹមស

ដោយយោងតាមការឱ្យដឹងពីអង្គការសុខភាពពិភពលោក (WHO) សមាសធាតុក្នុងខ្ទឹមស មានសារធាតុ AntiMicrobial ដែលជាសារធាតុប្រឆាំងនឹងពពួកមេរោគមីក្រុបតូចៗ នឹងជួយឱ្យប្រព័ន្ធភាពស៊ាំមានភាពខ្លាំង។ ដូចនេះការបន្ថែមខ្ទឹមសក្នុងរបបអាហារ ជាការប្រសើរមួយ។

យ៉ាងណាមិញ ពពួកអាហារខាងលើគឺជួយពង្រឹងប្រព័ន្ធភាពស៊ាំក្នុងរាងកាយ ឱ្យមានសមត្ថភាពប្រឆាំងមេរោគ និងដំណើរការបានល្អ បន្ថយហានិភ័យនៃការឆ្លង ប៉ុន្តែពុំមែន អាចព្យាបាលវីរុស COVID-19នោះទេ៕បន្ថែមពីសូមចូររួមអនាម័យបានស្អាតទាំងការហូបស្អាត ផឹកស្អាត និង ការរស់នៅស្អាត ។