[វីដេអូ] # Ep.29 អាហារ ៦មុខដែលល្អសម្រាប់ភ្នែក

បញ្ហាភ្នែកអាចត្រូវជៀសវាងបានប្រសិនបើអ្នក​បរិភោគបញ្ជូលអាហារដែលមានសារធាតុទាំងនេះមានដូចជា វីតាមីន សារធាតុចិញ្ចឹម និងជាតិរ៉ែ ដែលជាសារធាតុប្រឆាំងអុកស៊ីតកម្ម។

ដូចនេះយើងសូមណែនាំអំពីអាហារទាំងនេះដែលជួយទៅដល់ភ្នែកមានដូចជា:

១. ត្រី

ត្រីគឺជាអាហារដ៏ល្អសម្រាប់សុខភាពភ្នែកពីព្រោះតែត្រីផ្ទុកទៅដោយអាស៊ីតខ្លាញ់អូមេហ្គា ៣។ អាស៊ីតខ្លាញ់អូមេហ្គា ៣ អាចរួមចំណែកដល់ការជួយឲ្យប្រសើរឡើងនូវចក្ខុ និងសុខភាពរបស់រេទីនដែលជាស្រទាប់ក្នុងបង្អស់នៃគ្រាប់ភ្នែក។ ម្យ៉ាងវិញទៀតអាស៊ីតខ្លាញ់អូមេហ្គា ៣ អាចជួយការពារភ្នែកពីការស្ងួតភ្នែកផងដែរ។

ដូចនេះអ្នកគួរញុំាត្រីឲ្យបាន ២ទៅ៣ដងក្នុងមួយសប្តាហ៍ដើម្បីទទួលបានសុខភាពភ្នែកល្អ។

២. ស៊ុត

ស៊ុតក៏ជាអាហារដ៏ល្អមួយសម្រាប់បរិភោគជួយដល់សុខភាពភ្នែកផងដែរ។ ផ្នែកព័ណ៌លឿងរបស់ស៊ុតផ្ទុកទៅដោយជាតិវីតាមីន A ជាតិស័ង្កសី ដែលជាសារធាតុពណ៌ដ៏មានសារៈសំខាន់ចំពោះសុខភាពភ្នែក។ វីតាមីន A ការពារកែវភ្នែក។ជាតិស័ង្កសីរួមចំណែកទៅដល់សុខភាពរបស់រីទីនហើយក៏ជួយឱ្យភ្នែកមើលឃើញនៅពេលយប់ផងដែរ។

៣. គ្រាប់ធញ្ញជាតិ

គ្រាប់ធញ្ញជាតិផ្ទុកទៅដោយវីតាមីន E ជាតិរ៉ែ ជាតិដែក និងវីតាមីន B ដែលជួយឲ្យសុខភាពភ្នែក។ការញុំាវីតាមីន E អាចជួយការពារការចុះខ្សោយនៃភ្នែកដែលទាក់ទងនឹងអាយុក៏ដូចជាជំងឺភ្នែកឡើងបាយ។គ្រាប់ធុញ្ញជាតិមាន​ដូចជា៖ គ្រាប់ល្ពៅ គ្រាប់ផ្លែកៅឡាក់ គ្រាប់សណ្តែក និង​គ្រាប់ធុញ្ញជាតិផ្សេងៗទៀត​ ។

៤. ទឹកដោះគោ

ទឹកដោះគោមានផ្ទុកនូវជាតិកាល់ស្យូម វីតាមីន A ជាតិស័ង្កសី ជាតិរ៉ែ និងសារធាតុអាស៊ីតហ្វូលិក (Folic Acid) ជាច្រើនដ៏ទៃទៀតដែលជួយទៅដល់ភ្នែក។

៥. បន្លែពណ៌បៃតង

បន្លែពណ៌បៃតង សំបូរទៅដោយវីតាមីន A C E និងសារធាតុខនិជ។ ជាពិសេសម្ទេសផ្តល់នូវវីតាមីន C ច្រើនបំផុតក្នុងមួយកាឡូរី។ ម្ទេសល្អសំរាប់សសៃឈាមក្នុងភ្នែកហើយអាចកាត់បន្ថយហានិភ័យនៃជំងឺភ្នែកឡើងបាយ។ពណ៌របស់ម្ទេសមានផ្ទុកទៅដោយវីតាមីន A និង E។វីតាមីនជួយកាត់បន្ថយកាត់បន្ថយនៃជំងឺភ្នែករយ:ពេលវែង និងជំងឺភ្នែកឡើងបាយ។

៦. ផ្លែឈឺ ឬបន្លែពណ៌ទឹកក្រូច

ផ្លែឈឺ ឬបន្លែដែលមានពណ៌ទឹកក្រូចមានដូចជា ដំឡូងជ្វា ការ៉ុត ល្ពៅ​ ស្វាយទុំ ជាដើមមានបរិមាណបេតាការូទីនខ្ពស់ដែលជាទម្រង់នៃវីតាមីន A ដែលអាចជួយដល់សមត្ថភាពភ្នែកឲ្យមើលឃើញច្បាស់នៅពេលយប់ងងឹត៕

សូមទស្សនាវីដេអូដូចខាងក្រោម៖

ប្រភព: webmd ដោយ: ជា បញ្ញា