Manny Pacquiao ចូលនិវត្តន៍ពីប្រដាល់ដើម្បីផ្តោតលើអាជីពនយោបាយ

វីរបុរសប្រដាល់ Manny Pacquiao បានប្រកាសចូលនិវត្តន៍ពីកីឡានេះដើម្បីផ្តោតលើអាជីពនយោបាយរបស់ខ្លួន។

កញ្ញា 29, 2021 09:22 249

Manny Pacquiao ចូលនិវត្តន៍ពីប្រដាល់ដើម្បីផ្តោតលើអាជីពនយោបាយ

ម្ចាស់ជើងឯកពិភពលោកពហុផ្នែក ដែលជាសមាជិកព្រឹទ្ធសភានៅប្រទេសហ្វីលីពីនផងដែរនោះ ពេលនេះបានប្រកាសរួចហើយអំពីបំណងរបស់គាត់ក្នុងការឈរឈ្មោះជាប្រធានាធិបតីក្នុងការបោះឆ្នោតឆ្នាំ ២០២២ របស់ប្រទេសនេះ។ ការប្រកួតចុងក្រោយរបស់កីឡាករវ័យ ៤២ ឆ្នាំរូបនេះគឺជាការបរាជ័យដោយកីឡាករ Yordenis Ugas របស់គុយបានៅទីក្រុងឡាសវេហ្គាសកាលពីខែមុន។

នៅក្នុងវីដេអូមួយ ដែលត្រូវបានបង្ហោះនៅលើបណ្តាញសង្គម ប៉ាក់គីអាវបានពិពណ៌នាអំពីការចូលនិវត្តន៍ថាជាការសម្រេចចិត្តដ៏លំបាកបំផុតនៅក្នុងជីវិតរបស់គាត់ ដោយបន្ថែមថាប្រដាល់បានផ្តល់ឱ្យគាត់នូវ ឱកាសដើម្បីប្រយុទ្ធប្រឆាំងនឹងភាពក្រីក្ររបស់ខ្ញុំ និង ភាពក្លាហានក្នុងការផ្លាស់ប្តូរជីវិត ។

គាត់ក៏បានអរគុណដល់អ្នកគាំទ្រមិត្តភក្តិ និងអ្នកដែលគាំទ្រគាត់ពេញមួយអាជីពជាពិសេសគ្រូបង្វឹក Freddie Roach ដែលគាត់បាននិយាយថា “ជាបងប្រុស ជាមិត្តភក្តិ និងជាគ្រួសារខ្ញុំ” ។

ប៉ាក់គីអាវ បាននិយាយថា ខ្ញុំនឹងមិនភ្លេចអ្វីដែលខ្ញុំបានធ្វើនិងសម្រេចបាននៅក្នុងជីវិតរបស់ខ្ញុំឡើយ។

ប្រភព៖ BBC