[វីដេអូ] #Ep.95 ប្រធានបទ៖ អត្ថប្រយោជន៍របស់វីតាមីនEជួយទៅដល់សក់

វីតាមីន E គឺជាវីតាមីនដែលមានសារ:សំខាន់ខ្លាំងណាស់ចំពោះប្រព័ន្ធភាពស៊ាំ សុខភាពសរសៃឈាម និងសុខភាពស្បែក ដោយជួយប្រឆាំងអុកស៊ីតកម្ម ដែលជួយកាត់បន្ថយការខូចខាតរ៉ាឌីកាល់សេរី និងការពារកោសិការបស់រាងកាយ។វីតាមីន E ត្រូវបានប្រើប្រាស់ក្នុងផ្នែកសើស្បែកចាប់តាំងពីទសវត្សរ៍ឆ្នាំ 1950 ដើម្បីជួយការពារស្បែកប្រឆាំងនឹងភាពចាស់ ការរលាក ការខូចខាតដោយសារពន្លឺព្រះអាទិត្យ និងធ្វើជាឱសថព្យាបាលសក់ដែលខូច ស្អិតបានផងដែរ។ ដូចនេះយើងសូមចែករំលែកនូវអត្ថប្រយោជន៍ជាច្រើនរបស់វីតាមីន E មានដូចជា

ឧសភា 31, 2022 03:38 1937

[វីដេអូ] #Ep.95 ប្រធានបទ៖ អត្ថប្រយោជន៍របស់វីតាមីនEជួយទៅដល់សក់

១ ការពារការបាត់បង់សក់
វីតាមីន E ធ្វើអោយការលូតលាស់សក់ប្រសើរឡើងចំពោះអ្នកដែលមានបញ្ហាសក់ជ្រុះ។ វីតាមីន E មានលក្ខណៈសម្បត្តិប្រឆាំងអុកស៊ីតកម្ម ជួយកាត់បន្ថយភាពតានតឹងអុកស៊ីតកម្មនៅក្នុងស្បែកក្បាល។

២ ធ្វើអោយប្រសើរឡើងនូវចរន្តឈាមរបស់ស្បែកក្បាល
វីតាមីន E អាចបង្កើនលំហូរឈាមដែលធ្វើឱ្យសក់មានសុខភាពល្អ និងបង្កើនឫសសក់។ការសិក្សាស្រាវជ្រាវនៅក្នុងការសិក្សាឆ្នាំ 1999 បានរកឃើញថាកម្រិតខ្ពស់នៃវីតាមីន E បង្កើនលំហូរឈាមទៅកាន់ភ្នែកចំពោះអ្នកដែលមានជំងឺទឹកនោមផ្អែមប្រភេទទី 1 ។

៣ ផលិតប្រេង
វីតាមីន E មានសារៈសំខាន់សម្រាប់បង្កើតរបាំងការពារនៅលើផ្ទៃស្បែក។ របាំងនេះជួយឲ្យស្បែកក្បាលមានសំណើម។ មូលហេតុដែលស្បែកក្បាលស្ងួត រលាក អាចជាសញ្ញានៃកង្វះវីតាមីន E។

៤ ជំនួយស្បែកក្បាលឲ្យមានសុខភាពល្អ
ជាការពិតណាស់សក់មើលទៅផុយគឺនៅពេលដែលខូច។ដូចេ្នះវីតាមីន E គឺចាំបាច់សម្រាប់ស្បែកក្បាលដែលជួយឲ្យសក់មានសុខភាពល្អ ភ្លឺរលោង និងការពារពីការជ្រុះ។វីតាមីន E ជួយស្បែកក្បាល និងផ្តល់ឱ្យសក់របស់អ្នកនូវមូលដ្ឋានរឹងមាំដើម្បីដុះលូតលាស់ដោយកាត់បន្ថយភាពតានតឹងអុកស៊ីតកម្ម និងការពារស្រទាប់ខ្លាញ់ ។

សូមទស្សនាវីដេអូខាងក្រោម៖