CNGTV | កម្មវិធី មាតាឆ្លាតវៃ Ep.45 ប្រធានបទ៖ ដុំគីសក្នុងសុដន់

ដុំគីសសុដន់ គឺជាដុំម្យ៉ាងដែលមានផ្ទុកដោយទឹកនៅក្នុងសុដន់។ ទឹកដែលនៅក្នុងសុដន់មានសភាពជាទឹកថ្លា អាចជាទឹកខាប់ឬក៏ទឹកលាយជាមួយសាច់ជាដើម។

ធ្នូ 23, 2022 07:40 646

CNGTV | កម្មវិធី មាតាឆ្លាតវៃ Ep.45 ប្រធានបទ៖ ដុំគីសក្នុងសុដន់

សញ្ញាដុំគីសសុដន់ភាគច្រើនលិចចេញនូវរោគសញ្ញាចំនួន ៣មានដូចជា៖
- មានអារម្មណ៍ថាតឹងណែន
- ពេលខ្លះមានអារម្មណ៍ថាឈឺ
- មានអាការៈក្តៅខ្លួន
សូមជម្រាបថា រោគសញ្ញាទាំងនេះគឺអាស្រ័យទៅតាមប្រភេទនៃគីសនីមួយៗ ដូចនេះបងៗដែលជាស្រ្តីគួរតែកត់សម្គាល់ និងពិនិត្យមើលរាងកាយដោយខ្លួនឯង បើសិនមានរោគសញ្ញាទាំងបីខាងលើដែលបានរៀបរាប់ អ្នកគួរតែប្រញាប់ទៅពិគ្រោះជាមួយគ្រូពេទ្យជំនាញ។
ចំពោះស្រ្តីមានអាយុតិចជាង៤០ឆ្នាំ ក្រុមគ្រូពេទ្យតែងតែណែនាំអោយទៅពិនិត្យអេកូមុន តែបើស្រ្តីមានអាយុ៤០ឆ្នាំឡើងពិនិត្យទាំងអេកូ និងកៀបទាំងសុដន់ទើបអាចធ្វើរោគវិនិច្ឆ័យបានជាក់លាក់។
គីសចែកចេញជា៣ ប្រភេទ៖
គីសទី១៖ជាប្រភេទគីសបែបស្លូតដែលមានខាងក្នុងជាទឹកថ្លា
គីសទី២៖ ជាប្រភេទខាប់ៗដែលភ្នាសជុំវិញខុសប្រក្រតី
គីសទី៣៖ ជាប្រភេទទឹកផង និងសាច់ផង ជាគីសកាច។

ចំពោះការព្យាបាលបើសិនជាប្រភេទដុំស្លូត គឺអាចកាត់ចេញ តែបើជាដុំកាចមិនត្រឹមតែកាត់មួយមុខគ្រប់គ្រាន់នោះទេ គឺត្រូវការព្យាបាលតាមដានទៅមុខតទៀត តាមការណាត់របស់គ្រូពេទ្យផ្នែកមហារីក។
ជាចុងក្រោយសូមអោយស្រ្តីទាំងអស់យកចិត្តទុកដាក់ខ្ពស់ចំពោះសុខភាព ជាពិសេសសុខភាពសុដន់សូមធ្វើការពិនិត្យសុភាពសុដន់ជាប្រចាំជាមួយគ្រូពេទ្យជំនាញផងដែរ។ដើម្បីបង្ការ ស្រ្តីគ្រប់រូបគួរតែទៅពិនិត្យសុដន់ជារៀងរាល់៦ខែ និងពិនិត្យរាងកាយជារៀងរាល់ឆ្នាំ ដើម្បីតាមដានសុខភាពរបស់ខ្លួន៕