ប្រធានបទ ៖ ជំងឺមហារីកថ្លើម

ជំងឺមហារីកថ្លើម គឺជាមហារីកដែលស្ថិតនៅក្នុងកោសិកានៃថ្លើម ។ជំងឺមហារីកថ្លើមគឺជាជំងឺមហារីកដែលជួបប្រទះញឹកញាប់បំផុតចំពោះបុរស។ ថ្លើមគឺជាសរីរាង្គដែលដែលស្ថិតនៅផ្នែកខាងស្ដាំនៃពោះ និងនៅខាងលើនៃក្រពះដែលមានមុខងារក្នុងការកម្ចាត់សារធាតុពុលចេញពីប្រព័ន្ធឈាម និងផលិតទឹកប្រមាត់ ដែលមានមុខងារជួយរំលាយខ្លាញ់ បង្កើតវីតាមីន និងសារធាតុចិញ្ចឹមផ្សេងៗទៀត។ ភាគច្រើនមិនមានសញ្ញា និងរោគសញ្ញានៅក្នុងដំណាក់កាលដំបូងនៃជំងឺមហារីកថ្លើមបឋមនោះទេ។

សីហា 14, 2023 02:47 716

 
Share
ប្រធានបទ ៖ ជំងឺមហារីកថ្លើម

សញ្ញា និងរោគសញ្ញាលេចឡើងមានដូចជា៖

- ស្រកទម្ងន់

- បាត់បង់ចំណង់អាហារ

- ឈឺពោះផ្នែកខាងលើ

- ចង្អោរនិងក្អួត

- អស់កម្លាំង

- ហើមពោះ

- ស្បែកប្រែពណ៌លឿង និងភ្នែកស (ខាន់លឿង)

- លាមក​ពណ៌​ស​ ។

កត្តាដែលបង្កើនហានិភ័យនៃជំងឺមហារីកថ្លើមបឋមរួមមាន៖

- ការឆ្លងមេរោគរ៉ាំរ៉ៃជាមួយ HBV ឬ HCV ។ ការឆ្លងមេរោគរ៉ាំរ៉ៃជាមួយវីរុសរលាកថ្លើមប្រភេទ B (HBV) ឬវីរុសរលាកថ្លើមប្រភេទ C (HCV) បង្កើនហានិភ័យនៃជំងឺមហារីកថ្លើម។

- ជម្ងឺក្រិនថ្លើម

- តំណពូជ

- ជំងឺទឹកនោមផ្អែម អ្នក​ដែល​មាន​បញ្ហា​ជាតិ​ស្ករ​ក្នុង​ឈាម​នេះ​មាន​ហានិភ័យ​កើត​មហារីក​ថ្លើម​ខ្លាំង​ជាង​អ្នក​ដែល​មិន​មាន​ជំងឺ​ទឹកនោមផ្អែម​។

- ជំងឺខ្លាញ់រុំថ្លើមគ្មានជាតិអាល់កុល ការប្រមូលផ្តុំជាតិខ្លាញ់នៅក្នុងថ្លើមបង្កើនហានិភ័យនៃជំងឺមហារីកថ្លើម។

- ការពិសារស្រាច្រើនពេក ការទទួលទានជាតិអាល់កុលលើសពីកម្រិតមធ្យមជារៀងរាល់ថ្ងៃក្នុងរយៈពេលជាច្រើនឆ្នាំអាចនាំឱ្យខូចថ្លើមដែលមិនអាចត្រឡប់វិញបាន និងបង្កើនហានិភ័យនៃជំងឺមហារីកថ្លើម៕

ប្រភព ៖ Mayo Clinic               អត្ថបទ ៖ កា

ពាក្យទាក់ទង: