អបអរសាទរ យាន អវកាស ជប៉ុន បាន ចុះចតលើភព ព្រះចន្ទដោយជោគជ័យ

មករា 24, 2024 12:07 289

កាលពីពេលថ្មីៗនេះ យានអវកាស ជប៉ុន បាន ចុះចតលើភព ព្រះចន្ទនៅម៉ោង ១២:២០ ព្រឹកម៉ោងក្នុងស្រុកនៅថ្ងៃទី ២០ ខែមករា ឆ្នាំ២០២៤នៅប្រទេសជប៉ុន បានដោយជោគជ័យ កាលពីចុងសប្តាហ៍កន្លងទៅ។ នេះបើយោងតាមការចុះផ្សាយរបស់សារព័ត៌មាន CNN។

សូមជម្រាបថា ប្រទេសជប៉ុនគឺជា ប្រទេស ទី៥ហើយ ដែលបញ្ជូន បេសកកម្ម ទៅ ចុះចត លើផ្ទៃដីភពព្រះចន្ទ បាន សម្រេច បន្ទាប់ពី អាមេរិក រុស្ស៊ី ចិន និងឥណ្ឌា។នេះបើយោងតាមទិន្នន័យ telemetry ដែលបានចែករំលែកនៅលើការផ្សាយបន្តផ្ទាល់របស់ JAXA ។

អង្គការអវកាស ជប៉ុន បាន បង្ហាញ ក្តីបារម្ភ ផងដែរថា បន្ទះសូឡា ដែល បំពាក់ លើ យាន ចុះចតនោះ ជួបបញ្ហាបច្ចេកទេស មិនអាច បង្កើតថាមពល បានឡើយ ខណៈថាមពលអាគុយ របស់ វា ប្រើប្រាស់ មិនគ្រប់ឡើយ។ យ៉ាងណាមិញ ភ្នាក់ងារ JAXA អះអាងថា ខ្លួន នឹង ព្យាយាម ឱ្យអស់ពីលទ្ធភាព ហើយ បញ្ជាក់ទៀតថា ទោះជាយាននោះអស់ថាមពល ក៏ពិតមែន ប៉ុន្តែ បេសកកម្ម មិនបានបញ្ចប់ឡើយ ព្រមទាំងរំពឹងថា បន្ទះសូឡា នឹងអាច ធ្វើការឡើងវិញបាន៕

សូមចុច join Telegram https://t.me/cngtvcambodia