គុយបាជួបគ្រោះរញ្ជួយដីកម្រិត ៦.០ រ៉ិចទ័រ ចំពេលជួបវិបត្តិថាមពល

គ្រោះធម្មជាតិបានបន្ថែមសម្ពាធទៅលើប្រទេសគុយបា ខណៈដែលមជ្ឈមណ្ឌលរញ្ជួយដីអឺរ៉ុប-មេឌីទែរ៉ាណេ (EMSC) បានរាយការណ៍ពីគ្រោះរញ្ជួយដីកម្រិតខ្លាំងមួយដែលបានអង្រួនប្រទេសដីកោះមួយនេះ។

មិនា 18, 2026 09:54 49

គុយបាជួបគ្រោះរញ្ជួយដីកម្រិត ៦.០ រ៉ិចទ័រ ចំពេលជួបវិបត្តិថាមពល

យោងតាមទីភ្នាក់ងារសារព័ត៌មាន Reuters កាលពីថ្ងៃអង្គារ ទី១៧ ខែមីនា ឆ្នាំ ២០២៦ គ្រោះរញ្ជួយដីដែលមានកម្រិតរហូតដល់ ៦.០ រ៉ិចទ័រ បានកើតឡើងនៅតំបន់សមុទ្រក្បែរឆ្នេរភាគអាគ្នេយ៍នៃប្រទេសគុយបា។

ចំណុចសំខាន់នៃហេតុការណ៍នេះមាននៅទីតាំងចំណុចកណ្តាល៖ ការរញ្ជួយដីនេះមានជម្រៅប្រហែល ១០ គីឡូម៉ែត្រ នៅក្បែរខេត្ត Santiago de Cuba ដែលជាទីក្រុងធំទីពីររបស់ប្រទេស បណ្តាលឲ្យមានរំញ័រនៅទូទាំងតំបន់ភាគខាងកើតនៃប្រទេសគុយបា និងផ្នែកខ្លះនៃប្រទេសហ្សាម៉ាអ៊ីក។ ប្រជាពលរដ្ឋក្នុងទីក្រុង Santiago បាននាំគ្នារត់ចេញពីលំនៅដ្ឋានមកកាន់ដងផ្លូវដោយក្តីភិតភ័យ។រហូតមកដល់ម៉ោងនេះ មិនទាន់មានសេចក្តីរាយការណ៍អំពីការបាត់បង់ជីវិត ឬការខូចខាតហេដ្ឋារចនាសម្ព័ន្ធធ្ងន់ធ្ងរនៅឡើយទេ ប៉ុន្តែអាជ្ញាធរកំពុងធ្វើការវាយតម្លៃយ៉ាងដិតដល់។សូមជម្រាបថា មិនមានការចេញសេចក្តីព្រមានអំពីហានិភ័យនៃរលកយក្សស៊ូណាមិសម្រាប់តំបន់ឆ្នេរនោះទេ៕

ប្រភព៖ Reuters