[វីដេអូ] # Ep.35 វិធីសាស្រ្ត ៧ យ៉ាងដើម្បីជួយកាត់បន្ថយសម្ពាធឈាម

១ .កាត់បន្ថយជាតិប្រៃ

អំបិលឬសូដ្យូមក្លរួត្រូវបានគេប្រើដើម្បីបង្កើនរសជាតិនៅក្នុងម្ហូបអាហារ ហើយចាំបាច់សម្រាប់មុខងារជាច្រើន​នៅក្នុងរាងកាយដែលក្នុងនោះដែលវាជួយគ្រប់គ្រងតុល្យភាពជាតិទឹកក្នុងឈាម និងគ្រប់គ្រងសម្ពាធឈាម។ ប៉ុន្តែផ្ទុយទៅវិញប្រសិនបើអ្នកញុំាជាតិប្រៃច្រើនធ្វើឲ្យកើនឡើងសម្ពាធឈាមខ្ពស់។

ដូចនេះអ្នកគួរកាត់បន្ថយការញុំាជាតិប្រៃឲ្យស្ថិតនៅក្រោម ៥ក្រាម ក្នុងមួយថ្ងៃ (ប្រហែល ១ ស្លាបព្រាកាហ្វេ) ដើម្បីជួយកាត់បន្ថយហានិភ័យនៃជំងឺលើសឈាមនិងជំងឺបេះដូង ។

២.ញ៉ាំសារធាតុប៉ូតាស្យូមឲ្យបានគ្រប់គ្រាន់

ប៉ូតាស្យូមគឺជាសារធាតុរ៉ែដែលមាននៅក្នុងរាងកាយ។

ការញុំាសារធាតុប៉ូតាស្យូមទាបក៏ធ្វើឲ្យមានការកើនឡើងហានិភ័យនៃជំងឺលើសឈាមផងដែរ។

ប៉ូតាស្យូមចាំបាច់ដើម្បីឲ្យមានដំណើរការនៅក្នុងរាងកាយ ចំណែកឯសារធាតុសូដ្យូម ជួយរក្សាតុល្យភាពជាតិទឹកដែលមានក្នុងឈាមដោយធ្វើឱ្យសម្ពាធឈាមមានលំនឹង។

សារធាតុប៉ូតាស្យូមអាចរកបាននៅក្នុងផ្លែឈើនិងបន្លែជាច្រើនដូចជា ចេក ដំឡូង ស្ពៃនិងសណ្តែកជាដើម។

៣. បរិភោគរបបអាហារដែលមានតុល្យភាព

ក្រៅពីជាតិប្រៃនិងសារធាតុប៉ូតាស្យូមសម្ពាធឈាមរបស់យើងក៏អាចទទួលឥទ្ធិពលពីសារធាតុចិញ្ចឹមផ្សេងៗទៀតផងដែរ។

ការញុំាអាហារដែលមានតុល្យភាពដែលសំបូរនៅក្នុងបន្លែផ្លែឈើ ដែលមានជាតិខ្លាញ់ ជាតិស្ករនិងប្រៃទាប អាចជួយឲ្យអ្នកទទួលបានសារធាតុចិញ្ចឹមដែលមានអត្ថប្រយោជន៍ជាច្រើននិងជួយរក្សាតុល្យភាពថាមពល និងរក្សាសម្ពាធឈាមឱ្យមានសុខភាពល្អ។

៤.ការរក្សាទម្ងន់

ការរក្សាទំងន់ក្នុងរាងកាយឱ្យមានសុខភាពល្អគឺជាកត្តាសំខាន់បំផុតមួយដើម្បីគ្រប់គ្រងសម្ពាធឈាម។

នៅពេលដែលទម្ងន់នៅក្នុងរាងកាយកើនឡើងនោះតម្រូវការទៅលើបេះដូងក៏កើនឡើងដែរ ជាហេតុធ្វើឱ្យមានការកើនឡើងសម្ពាធឈាមខ្ពស់។

៥. ធ្វើសកម្មភាពរាងកាយ

ការធ្វើសកម្មភាពរាងកាយជាប្រចាំគឺផ្តល់អត្ថប្រយោជន៍ទាំងរាងកាយនិងផ្លូវចិត្ត។

ការហាត់ប្រាណទៀងទាត់ជាប្រចាំអាចជួយបង្កើនកម្លាំងបេះដូង ដែលអាចកាត់បន្ថយការលើសសម្ពាធឈាម។បើយោងតាមអង្គការសុខភាពពិភពលោកណែនាំឱ្យយើងធ្វើសកម្មភាពអប្បបរមា ១៥០ នាទី សំរាប់ការដើរ និង ៧៥នាទីសំរាប់ការរត់ជារៀងរាល់សប្តាហ៍ ឬស្មើនឹង ៣០ នាទីនៃសកម្មភាពជាមធ្យម ៥ ថ្ងៃក្នុងមួយសប្តាហ៍។

៦. កុំជក់បារី

ការជក់បារីអាចបណ្តាលឱ្យមានការកើនឡើងនូវសម្ពាធឈាមនិងអាចបណ្តាលឱ្យស្ទះសរសៃឈាម ដែលអាចបង្កើនហានិភ័យនៃការគាំងបេះដូងនិងជំងឺដាច់សរសៃឈាមខួរក្បាល។

ប្រសិនបើអ្នកឈប់ជក់បារី គឺជារឿងមួយដ៏ល្អបំផុតដែលអាចជួយឲ្យសុខភាពកាន់តែប្រសើរឡើង ។

៧. កំណត់ការទទួលទានសុរា

ក៏ដូចជាការជក់បារីដែរ ការទទួលទានស្រាច្រើនអាចជះឥទ្ធិពលវិជ្ជមានទៅដល់សុខភាពជាច្រើន។

មួយក្នុងចំនោមរឿងទាំងនោះ គឺជាការកើនឡើងហានិភ័យនៃជំងឺលើសឈាម។

ដូចនេះកំរិតជាតិអាល់កុលដែលមានហានិភ័យទាបត្រូវបានគេប៉ាន់ប្រមាណថាមានជាតិអាល់កុលប្រហែល ១០០ ក្រាមក្នុងមួយសប្តាហ៍ស្មើនឹង ៥ កែវ ឬភេសជ្ជ:២កំប៉ុង៕

សូមទស្សនាវីដេអូដូចខាងក្រោម៖

ប្រភព: eufic ដោយ: ជា បញ្ញា