[វីដេអូ] Ep.57 ប្រធានបទ៖​ ការបាក់ឆ្អឹង

រោគសញ្ញា

ចំពោះរោគសញ្ញាដែលអាចដឹងថាយើងបាក់ឆ្អឹងមានដូចជា:

• ក្រោយពីប៉ះទង្គិច ( ហើម,ឈឺ ឬក៏ខុសពីទ្រង់ទ្រាយដើម )
• តាមរយ:ការថត​ X-Ray ។ល។
• 
• 

កត្តាប្រឈម

នៅពេលដែលមានការបាក់ឆ្អឹងគឺប៉ះពាល់ខ្លាំងទៅដល់សរសៃឈាម​ ការហូរឈាម និងនៅលើអ្វីដែលនៅជុំវិញឆ្អឹងមានដូចជា សាច់ដុំ​ សរសៃប្រសាទ​ក៏អាចបែកចេញជាស្នាមរបួស និងមានការឆ្លងមេរោគផ្សេងៗចូលទៅក្នុងឈាមផងដែរ។ ម្យ៉ាងវិញទៀតការបាក់ឆ្អឹងនេះក៏អាចឈានដល់ការពិការផងដែរប្រសិនបើមិនមានការព្យាបាលត្រឹមត្រូវ។

ការព្យាបាល

ទាក់ទងជាមួយនឹងការព្យាបាលគឺអាស្រ័យទៅលើប្រភេទនៃការបាក់មានន័យថាកំរិតនៃការបាក់ឆ្អឹងរបស់គាត់មានកំរិតណា ហើយការព្យាបាលក៏ទៅតាមប្រភេទនឹងដែរ។​​ ចំពោះការព្យាបាលក៏អាស្រ័យទៅតាមអាយុរបស់អ្នកជំងឺ។ ប្រសិនបើនៅវ័យក្មេងៗការព្យាបាលមានរយ:ពេល 2-4សប្តាហ៏គឺអាចព្យាបាលឲ្យជាសះស្បើយធម្មតា។​ តែបើវ័យជំទង់គឺប្រើពេលរហូតដល់ 12សបា្តហ៏។ ប្រសិនជាមនុស្សចាស់វិញគឺអាចប្រើរយ:ពេលយូរជាងនិងបន្តទៅទៀតនៅចន្លោះពី 2-6ខែ។ ដូច្នេះនៅពេលដែលមានបញ្ហាទៅលើឆ្អឹងគប្បីទៅពិគ្រោះជាមួយគ្រូពេទ្យដែលមានជំនាញឲ្យបានច្បាស់លាស់។

វិធីសាស្រ្តក្នុងការថែទាំ

ចំពោះការបាក់ឆ្អឹងប្រសិនជាឈានទៅដល់ការវះកាត់ដូច្នេះអ្នកត្រូវគោរពតាមវិជ្ជបញ្ជា ត្រូវតាមដានមុខរបួសក្នុងអំឡុងពេលវះកាត់ជាមួយនិងក្រុមគ្រូពេទ្យជំនាញ។​ ប្រសិនជាមានការបាក់បន្តិចបន្តួចទេគឺព្យាបាលដោយអបឆ្អឹង ជៀសវាងការធ្វើសកម្មភាពធ្ងន់ផ្សេងៗ គឺត្រូវសំរាកនៅស្ងៀមដើម្បីឲ្យឆ្អឹងអាចខាំជាប់គ្នាឡើងវិញ។

របបអាហារនិងការទទួលទានអាហារដែលត្រឹមត្រូវ

ចំពោះរបបអាហារក៏មានសារ:សំខាន់ដែរ ចំពោះរាងកាយ និងឆ្អឹងរឹងមាំ ដូច្នេះហើយអ្នកគួរតែទទួលទានអាហារឲ្យបានត្រឹមត្រូវដើម្បីជំនួយដល់ឆ្អឹងមានដូចជា:

• ទឹកដោះគោ​ ( ដែលសំបូរទៅដោយជាតិកាល់ស្យូម )
• បន្លែ ផ្លែឈើ។ល។

ជៀសវាងការ ជក់បារី ឬពិសារស្រា

សារដ៏មានសារ:ប្រយោជន៍

ដើម្បីឲ្យឆ្អឹងមានសុខភាពល្អអ្នកគួរតែញុំាអាហារណាដែលមានជាតិ សំបូរទៅដោយជាតិវីតាមីន ជាតិកាល់ស្យូមខ្ពស់ដើម្បីជួយការពារឆ្អឹងយើងកុំឲ្យពុក។ សូមធ្វើលំហាត់ប្រាណជាប្រចាំ ជៀសវាងការទទួលទានអាហារណាដែលមិនល្អសំរាប់សុខភាព៕

សូមទស្សនាវីដេអូខាងក្រោម: