ប្រធានសភាតំណាងរាស្ត្រនៃរដ្ឋ Ohio អាមេរិក ត្រូវបានចាប់ខ្លួនពីបទអំពើពុករលួយ

រដ្ឋវ៉ាស៊ីនតោន៖ លោក Larry Householder ប្រធានសភាតំណាងរាស្ត្រនៃគណបក្សសាធារណរដ្ឋ នៃរដ្ឋ Ohio សហរដ្ឋអាមេរិក ត្រូវបានចាប់ខ្លួន នៅថ្ងៃអង្គារ ទី២១ ខែកក្កដា ពាក់ព័ន្ធនឹងករណីស៊ីសំណូកសូកប៉ាន់ជាមួយនឹងទឹកប្រាក់ ៦០លានដុល្លារ។

កក្កដា 22, 2020 11:55 986

 
Share
ប្រធានសភាតំណាងរាស្ត្រនៃរដ្ឋ Ohio អាមេរិក ត្រូវបានចាប់ខ្លួនពីបទអំពើពុករលួយ 

រដ្ឋអាជ្ញាប្រចាំតំបន់ភាគខាងត្បូងនៃរដ្ឋ Ohio លោក David DeVillers បាននិយាយថាមនុស្ស ៤ នាក់ផ្សេងទៀតក៏ត្រូវបានចាប់ខ្លួនក្នុងផងដែរការរួមគំនិតនេះ។ បើយោងតាមពាក្យបណ្តឹងព្រហ្មទណ្ឌបានអោយដឹងថា លោក Householder និងអ្នករួមគំនិត៤នាក់ទៀតបានទទួលលុយពីក្រុមហ៊ុនមួយ ជាថ្នូរ នឹងការជួយឲ្យអនុម័តកញ្ចប់ថវិកាមួយ ខ្ទង់ពាន់លានដុល្លារ​ ដើម្បីសង្រ្គោះរោងចក្រថាមពលនុយក្លេអ៊ែរ ២កន្លែង របស់ក្រុមហ៊ុននោះ។
យ៉ាងណាមិញ អភិបាលរដ្ឋ Ohio លោក Mike DeWine ដែលនៅគណបក្សសាធារណរដ្ឋ បានអំពាវនាវឲ្យលោក Householder លាលែងពីតំណែងជាបន្ទាន់ ព្រោះលោកមិនសមក្នុងការបន្តដឹកនាំសភារដ្ឋ Ohio តទៀតឡើយ។
គួររម្លឹកផងដែរ លោក Larry Householder បានជាប់ឆ្នោតជាសមាជិករដ្ឋសភា Ohio ជាលើកដំបូងក្នុងឆ្នាំ១៩៩៦៕

ប្រភព៖ Xinhua   ប្រែសម្រួល៖​ កង ស្រីលីន

ពាក្យទាក់ទង: