លោក ដូណាល់ ត្រាំ និងភរិយា ធ្វើតេស្តវិជ្ជមានវីរុសកូវីដ១៩

វ៉ាស៊ីនតោន៖ មុននេះបន្តិច បន្ទាប់ពីលោកដូណាល់ត្រាំ និងភរិយារបស់លោក ធ្វើចត្តាឡីស័ក និងបាន ធ្វើតេស្តរួចមកលទ្ធផលបានចេញមកឲ្យដឹងថា ប្រធានាធិបតីអាមេរិក ដូណាល់ ត្រាំ និងភរិយារបស់លោក អ្នកស្រី មេឡានៀ ត្រាំ បានឆ្លងវីរុសកូវីដ១៩។

តុលា 2, 2020 06:19 1869

 
Share
លោក ដូណាល់ ត្រាំ និងភរិយា ធ្វើតេស្តវិជ្ជមានវីរុសកូវីដ១៩

យោងតាមទីភ្នាក់ងារសារព័ត៌មាន Reuters បានឲ្យដឹងទៀតថា លោកត្រាំទើបតែបង្ហោះសារនៅលើ បណ្តាញសង្គមធ្វីតធើថ្មីៗមុននេះថា លោក និងភរិយាបានធ្វើតេស្តឃើញមានផ្ទុកវីរុសកូវីដ១៩ហើយ ហើយពួកគេនឹងធ្វើទទួលការព្យាបាលឲ្យជាសះស្បើយឡើងវិញ និងអាចឆ្លងផុតពេលវេលាដ៏លំបាកនេះផងដែរ។

សូមបញ្ជាក់ថា ទីប្រឹក្សាជាន់ខ្ពស់របស់លោក ដូណាល់ត្រាំ គឺអ្នកស្រី ហូប ហីកស៍ (Hope Hicks)​ ដែលបានធ្វើដំណើរយ៉ាងជិតស្និទ្ធជាមួយលោក ទៅទីក្រុងក្លេវលែន (Cleveland) តស៊ូមតិ និងទៅទីក្រុងមីនីសូតា (Minnesota) ដើម្បីចូលរួមយុទ្ធនាការឃោសនាបោះឆ្នោត ក៏ត្រូវបានធ្វើតេស្តវិជ្ជមានវីរុសកូវីដ១៩ ថ្មីៗនេះដែរ៕

សូមទស្សនាវីដេអូ៖ 

ប្រភព៖ Reuters, ប្រែសម្រួល៖ សុខ ច័ន្ទភារិទ្ធ

 

ពាក្យទាក់ទង: