កូវីដ១៩ (COVID-19) ធ្វើឱ្យការនាំចេញស្មាតហ្វូនទូទាំងពិភពលោកធ្លាក់ចុះខ្លាំងបំផុត

ក្រុមហ៊ុន Apple បានប្រកាសកាលពីពាក់កណ្តាលខែកុម្ភៈថា ខ្លួននឹងមិនអាចលក់បានតាមការរំពឹងទុកឡើយក្នុងត្រីមាសខែមីនាដោយសារតែការផ្ទុះរីករាលដាលនៃវីរុសកូវីដនេះ ហើយខ្លួនដឹងដែរថាក្រុមហ៊ុនផលិតស្មាតហ្វូនដ៏ទៃទៀតនឹងប៉ះពាល់ដោយសារបញ្ហាសេដ្ឋពិភពលោកផងដែរ។

មិនា 24, 2020 02:57 1565

កូវីដ១៩ (COVID-19) ធ្វើឱ្យការនាំចេញស្មាតហ្វូនទូទាំងពិភពលោកធ្លាក់ចុះខ្លាំងបំផុត

ក្រុមហ៊ុន Apple បានលើកឡើងទៀតថា“ឥឡូវនេះយើងមានរបាយការណ៍វិភាគអំពីចំនួនជាក់លាក់សម្រាប់ចំនួនទូរស័ព្ទស្មាតហ្វូនដែលបានធ្លាក់ចុះកាលពីខែមុនហើយ“។

យោងតាមរបាយការណ៍ថ្មីដែលបានមកពីក្រុមហ៊ុនស្រាវជ្រាវទីផ្សារ Strategy Analytics បានឲ្យដឹងថាកាលពីខែកុម្ភៈ ចំនួនលក់ស្មាតហ្វូនធ្លាក់ចុះខ្លាំងបំផុតមិនធ្លាប់មានពីមុនមក ដោយសារការរាតត្បាតជាសាកលនៃវីរុសកូវីដ១៩។

ទិន្នន័យនេះបានបញ្ជាក់ថា ការលក់របស់ក្រុមហ៊ុនផលិតស្មាតហ្វូនលំដាប់ថ្នាក់ពិភពលោកបានធ្លាក់ចុះមកត្រឹម ៦១,៨ លានគ្រឿង ពោលគឺ ការលក់ធ្លាក់ចុះ ៣៨% បើធៀបនឹងខែកុម្ភៈ ឆ្នាំ ២០១៩ ដែលលក់បាន ៩៩,២ លានគ្រឿង។

ជាមួយនឹងស្ថានភាពបច្ចុប្បន្ន ដែលកូវីដ១៩បន្តរីករាលដាលនៅលើសកលលោក អាចឲ្យគេរំពឹងបានថាខែមីនា នឹងជាខែអាក្រក់មួយទៀតក្នុងប្រវត្តិសាស្ត្រទីផ្សារស្មាតហ្វូន៕

ប្រភព៖ 9to5mac ប្រែសម្រួល៖ជា បញ្ញា