ក្រសួងទេសចរណ៍ រៀបចំសិក្ខាសាលាថ្នាក់ជាតិ ស្តីពីការស្តារឡើងវិញវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩

សិក្ខាសាលាធ្វើឡើងក្នុងគោលបំណងផ្លាស់ប្តូរបទពិសោធន៍ និងព័ត៌មានពីគ្រប់ភាគីពាក់ព័ន្ធលើផែនការស្តារវិស័យទេសចរណ៍ឡើងវិញ ទិសដៅរបស់អង្គភាព និងស្ថាប័ន នានាក្នុងការផ្លាស់ប្តូរបញ្ហាប្រឈមបណ្តាលមកពីជំងឺកូវីដ-១៩ ឱ្យក្លាយទៅជាឱកាសក្នុងវិស័យទេសចរណ៍ ជាពិសេសជំរុញការអនុវត្តផែនទីចង្អុលផ្លូវស្តីពីការស្តារ វិស័យទេសចរណ៍ឡើងវិញក្នុងនិងក្រោយវិបត្តិជំងឺកូវីដ-១៩ ឆ្នាំ២០២១-២០២៥ ដែលរាជរដ្ឋាភិបាលបានដាក់ចុះ។
ឯកឧត្តម ថោង រដ្ឋសក្កិ បានលើកឡើងថា សិក្ខាសាលានេះគឺបានចែករំលែកអំពីផែនការស្ដារវិស័យទេសចរណ៍ឡើងវិញ ក្នុងនិងក្រោយវិបត្តិកូវីដ19 ដល់សាធារណៈជន វិស័យឯកជន ដៃគូរ និងភាគីពាក់ព័ន្ធទាំងអស់ដើម្បីចូលរួមអនុវត្តសម្រាប់ឆ្នាំ២០២១-២០២៥ខាងមុខ បានយ៉ាងល្អប្រសើរ ជាពិសេសសទទួលបានភាពចូលថ្មីៗបន្ថែម លើការអភិវឌ្ឍសហគ្រិនភាព ការរជំរុញបច្ចេកវិទ្យាក្នុងវិស័យទេសចរណ៍ និងទស្សនទានរបស់សមាគមឧស្សាហកម្មទេសចរណ៍ ក្នុងការស្តារវិស័យទេសចរណ៍ ក្រោយវិបត្តិ។

លោក ឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ បានលើកឡើងបង្ហាញពីការគាំទ្ររបស់សហគ្រិនភាពនៅក្នុងវិស័យទេសចរណ៍ តាមរយៈកិច្ចសហប្រតិបត្តិការ ថ្មីៗជាមួយនឹងវិស័យទេសចរណ៍ ដោយផ្តោតសំខាន់ទៅលើការជំរុញសហគ្រិនភាព ក្នុងវិស័យទេសចរណ៍នៅក្នុងតំបន់ឆ្នេរ ក៏ដូចជាផែនការបណ្តុះបណ្តាល ទេសចរ ទៅក្នុងសហគមន៍ផងដែរ។
លោក Federic H. Proulx នាយកប្រតិបត្តិ Wonderpass technology ក៏បានលើកឡើងពីជំហរយ៉ាងមុតមាំ នៅក្នុងកាវិនិយោគលើវិស័យបច្ចេកវិទ្យា ការទូទាត់រហ័ស និងងាយស្រួលនៅក្នុងវិស័យទេសចរណ៍នៅកម្ពុជា ទោះបីជាប្រទេសកម្ពុជាកំពុងស្ថិតនៅក្នុងដំណាក់កាលនៃការស្តារឡើងវិញនៃវិស័យទេសចរណ៍ក៏ដោយ។ លោករំពឹងថា វិស័យទេសចរណ៍នៅកម្ពុជា នឹងមានការរូកចំរើនខ្លាំងនៅក្រោយវិបត្តិកូវីដ១៩ ហើយប្រព័ន្ធនៃការទូទាត់រហ័សរបស់លោក នឹងចូលរួមចំណែកយ៉ាងសំខាន់ មិនត្រឹងតែទូទាត់រហ័សទេ និងអាចឈានដល់ការគ្រប់គ្រងព្រិត្តិការណ៍ទេសចរណ៍ កីឡាទេសចរណ៍ និងការគ្រប់គ្រងការទស្សនាផ្សេងៗផងដែរ។

សូមបញ្ជាក់ដែរថា សិក្ខាសាលាបានបែងចែកកិច្ចពិភាក្សាលើប្រធានបទសំខាន់ៗចំនួន២ រូបមាន៖
* ទី១៖ ផែនការស្តារឡើងវិញវិស័យទេសចរណ៍ក្នុង និងក្រោយវិបត្តិជំងឺកូវីដ-១៩ ដោយមានវាគ្មិនកិត្តិយសមកពីក្រសួងទេសចរណ៍ នាយកប្រតិបត្តិសហគ្រិនខ្មែរ នាយកប្រតិបត្តិក្រុមហ៊ុនវ័នឌឺផាស អតីតនាយកប្រតិបត្តិការិយាល័យសម្របសម្រួលទេសចរណ៍មេគង្គ និងប្រធានសហព័ន្ធទេសចរណ៍កម្ពុជា។
កិច្ចពិភាក្សាបានរំលេចពីការផែនរបស់ស្តារទេសចរណ៍ឡើងវិញ នៅក្នុងកម្រិតមហាអនុតំបន់មេគង្គ និងនៅកម្ពុជា ការចូលរួមចំណែករបស់វិស័យឯកជនលើការអនុវត្ត ផែនការស្តារវិស័យទេសចរណ៍ និងការត្រៀមខ្លួនរបស់ភាគីពាក់ព័ន្ធសម្រាប់ចាប់យកឱកាសក្រោយវិបត្តិជំងឺកូវីដ-១៩ ជាពិសេសកិច្ចពិភាក្សា ក៏បានផែនការទទួលកញ្ចប់ ទេសចរណ៍ចាក់វ៉ាកសំាងនៅអំឡុងត្រីមាសទី៤ ឆ្នាំ២០២១ ដែលក្រសួងទេសចរណ៍កំពុងរៀបចំ ការជំរុញការផ្សព្វផ្សាយទេសចរណ៍រួមគ្នា នៅក្នុងមហាអនុតំបន់ មេគង្គផងដែរ និងការជំរុញការអភិវឌ្ឍន៍សហគ្រិនភាពក្នុងវិស័យទេសចរណ៍ផងដែរ។
២៖ ការជំរុញបច្ចេកវិទ្យាឌីជីថល លើការទូទាត់រហ័សនៅក្នុងវិស័យទេសចរណ៍កម្ពុជា ដោយមានការចូលរួមពីតំណាងវិស័យឯកជន សមាគមឧស្សាហកម្មទេសចរណ៍ និងតំណាងមជ្ឈមណ្ឌលកម្ពុជា៤.០។
កិច្ចពិភាក្សាបានរំលេចពីភាពចាំបាច់នៅក្នុងការអភិវឌ្ឍន៍បច្ចេកវិទ្យាទូទាត់រហ័ស និងងាយស្រួល និងការគ្រប់គ្រងការទស្សនាក្នុងវិស័យទេសចរណ៍ ដោយក្នុងនោះ វិស័យឯកជនជាភាគី សំខាន់ក្នុងការរៀបចំប្រព័ន្ធបច្ចេកវិទ្យាថ្មីៗ និងនាវានុវត្តន៍សដំដៅសម្រួលដំណើរទេសចរតាំងការចាប់ផ្តើមដំណើរ រហូតដល់បញ្ជប់ដំណើរ របស់ទេសចរណ៍។ បច្ចេកវិទ្យាទូទាត់រហ័ស និងងាយស្រួលគឺមានភាពចាំបាច់ក្នុងដំណាក់នៃការរីករាលដាលនៃជំងឺឆ្លងកូវីដ-១៩ សំដៅកាត់បន្ថយការ ប្រើប្រាស់ ក្រដាសប្រាក់ និងមានភាពងាយស្រួលក្នុងការទូរទាត់ គ្រប់គ្រង់ចរន្តសាច់ប្រាក់ និងមានសុវត្ថិភាពផងដែរ៕

សូមចុច join link Telegram https://t.me/cngtvcambodia

ប្រភព: ក្រសួងទេសចរណ៍