ប្រធានបទ ៖ អត្ថប្រយោជន៍ Samsung Pass នៅលើទូរស័ព្ទដៃ Samsung

អត្ថប្រយោជន៍ជាច្រើនដែល Samsung Pass ដំណើរការ និងមូលហេតុដែលអ្នកគួរប្រើវា៖

Samsung Pass​​ អនុញ្ញាតឱ្យអ្នកប្រើស្នាមម្រាមដៃរបស់អ្នកដើម្បីចូលគណនីរបស់អ្នកដោយសុវត្ថិភាពនៅលើគេហទំព័រ និងកម្មវិធីផ្សេងៗ។ មុខងារនេះដំណើរការខុសពីកម្មវិធីគ្រប់គ្រងពាក្យសម្ងាត់ប្រពៃណីដោយសារវាមិនអាចបង្កើតពាក្យសម្ងាត់ថ្មីបានទេ។

Samsung Pass ក៏អាចរក្សាទុកអាស័យដ្ឋាន និងព័ត៌មានលម្អិតកាតឥណទានរបស់អ្នក ដូច្នេះអ្នកមិនចាំបាច់ត្រូវការ បំពេញព័ត៌មាននេះដោយដៃ នៅពេលអ្នកធ្វើការបញ្ជាទិញតាមអ៊ីនធឺណិត។ ទិន្នន័យដែលបានរក្សាទុកនៅក្នុង Samsung Pass ត្រូវបានការពារដោយមុខងារ Knox Security ហើយទិន្នន័យរបស់អ្នកត្រូវបាន encrypt​​ ហើយនិងរក្សាទុកនៅក្នុង "Trust Zone"នៃទូរស័ព្ទរបស់អ្នក។

• របៀបតំឡើង Samsung Pass ៖

ដើម្បីប្រើ Samsung Pass អ្នកត្រូវការឧបករណ៍ Samsung Galaxy ដែលមានការតភ្ជាប់អ៊ីនធឺណិត។

1. ដំបូងសូមបើកកម្មវិធី Settings

2. បន្ទាប់មកចូលទៅកាន់ Biometrics និង security

3. រួចចុច Samsung Pass

4. ចុច Continue

5.​ បន្ទាប់មកទៀតបញ្ចូលពាក្យសម្ងាត់នៅលើគណនី Samsung រួចចុចពាក្យ Continue

6. ជាចុងក្រោយស្កេនស្នាមម្រាមដៃរបស់អ្នកជាការស្រេច។

• របៀបប្រើប្រាស់ Samsung Pass ដើម្បីចូលកម្មវិធី និងគេហទំព័រ ៖

1. ដំបូងសូមបើកកម្មវិធី Samsung Internet

2. បន្ទាប់មកចូលទៅកាន់គេហទំព័រដែលអ្នកចង់ចូល

3. បញ្ចូលឈ្មោះអ្នកប្រើប្រាស់ និងពាក្យសម្ងាត់

4. ចុងក្រោយកម្មវិធី Samsung Pass នឹងសួរថាតើអ្នកចង់រក្សាទុកព័ត៌មាននេះឬអត់?​ ចុច Remember ជាការស្រេច ។

សូមជម្រាបថា នៅពេលដែលអ្នកចង់ចូលគេហទំព័រនោះនៅពេលក្រោយគ្រាន់តែស្កេនស្នាមម្រាមដៃរបស់អ្នកដើម្បីផ្ទៀងផ្ទាត់អត្តសញ្ញាណរបស់អ្នកជាការស្រេច៕

ប្រភព ៖ Slash Gear                            អត្ថបទ ៖ កា